سۋ رەسۋرستارى قاتاڭ باقىلاۋدا: كولەڭكەلى نارىقپەن كۇرەس العاشقى ناتيجەسىن بەردى

جىل باسىنان بەرى سۋ زاڭناماسىن بۇزعان تۇلعالاردان جالپى سوماسى 2,9 ملن تەڭگەگە 18 اكىمشىلىك ايىپپۇل ءوندىرىلدى. ال 2025 جىلدىڭ باسىنان بەرى سۋدى زاڭسىز پايدالانۋ فاكتىلەرى بويىنشا جالپى سوماسى 6,4 ملن تەڭگەگە 35 اكىمشىلىك ايىپپۇل سالىندى. ونىڭ ىشىندە جوسپاردان تىس تەكسەرۋ ناتيجەلەرى بويىنشا 1,4 ملن تەڭگە سوماسىنا 12 اكىمشىلىك ايىپپۇل سالىندى، ال قۇقىق قورعاۋ جانە مەملەكەتتىك ورگانداردان تۇسكەن ماتەريالدار بويىنشا 5 ملن تەڭگەگە 23 اكىمشىلىك ايىپپۇل سالىندى. سۋ رەسۋرستارى جانە يرريگاتسيا مينيسترلىگىنىڭ باسسەيندىك ينسپەكتسيالارى 2025 جىلدىڭ باسىنان باستاپ 13 تەكسەرۋ جۇرگىزىپ، ناتيجەسىندە 8 زاڭبۇزۋشىلىق انىقتالدى. بۇل زاڭبۇزۋشىلىقتاردى جويۋ ءۇشىن 7 ۇيعارىم بەرىلدى. 2024 جىلى سۋ زاڭناماسىن بۇزعانداردان جالپى سوماسى 44,5 ملن تەڭگە بولاتىن 556 اكىمشىلىك ايىپپۇل وندىرىلگەنىن ايتا كەتەيىك. سونداي-اق باسسەيندىك ينسپەكتسيالار 439 تەكسەرۋ جۇرگىزىپ، ونىڭ بارىسىندا 1855 زاڭ بۇزۋشىلىق انىقتالدى.