تالدىقورعاندا شەرزات پولاتتىڭ ءىسى بويىنشا سوت پروتسەسى بۇگىن تۇستەن كەيىن دە جالعاستى. بۇل جولى كۇدىكتى ديدار قالياحمەتتىڭ بولەسى سامات ابدىقادىر جاۋاپ بەردى، دەپ حابارلايدى «ادىرنا» ءتىلشىسى.
سامات ابدىقادىر سوتتالۋشى ديدار قالياحمەت بولەسى ەكەنىن جانە قالعان كۇدىكتىلەردى اسا تانىمايتىنىن ايتتى. ايتسە دە ول كۇدىكتىلەردىڭ ىشىندە ءبىر بالامەن ءبىر مەكتەپتە وقىعانىن، بىراق ونى كورمەگەنىنە 10-15 جىل بولىپ كەتكەنىن ەسكەرتتى.
«3 قازان كۇنى مەن جانە قالياحمەت ديدار باۋىرىم جانە ءۇشىنشى مۇرات دەگەن جىگىت مونشادان شىقان بولاتىنبىز. مونشادان شىعىپ بىردەن «قاماجاي» دۇكەنىنە كەلىپ توقتادىق. سول جەردە شامامەن 7-8 بالا تۇردى. تۋرا بىزگە پروجەكتور قاراپ تۇرعاننان كەيىن تۇرلەرىن بايقاي المادىق.
سول كەزدە داۋلەت پەن ديدار ءوتىپ كەتتى، ارتىندا مەن تۇرعاندا بىرەۋ كەلىپ امانداستى. مارقۇم بولعان نۇرعانات عايىپباەۆ: «ەرەگەسۋگە كەلدىڭدەر ما؟»—دەدى. مەن: «ەرەگەسكە كەلگەن جوقپىز. ءبىز نە ىستەيمىز، شالمىز عوي، ماگازينگە كەلدىك»،—دەدىم. ول: «سەن شال ەمەسسىڭ، قاتارلاس سياقتىمىز عوي»،— دەدى. مەن: «قاي جىلعى بولاسىڭ؟»— دەپ ەدىم، «94 جىلعى»،— دەپ جاۋاپ بەردى. «ااا، سەن ۇلكەن ەكەنسىڭ»،— دەپ دۇكەنگە كىرىپ كەتتىم. ىشتە ساتۋشى بولمادى. ديدار ەسىكتى اشىپ «كىم ساتۋشى؟» دەپ ساتۋشىنى شاقىردى. سول كەزدە قارجاۋباي اعا كىردى. ءبىز سىرا الايىن دەپ جاتقانبىز، سىرا الىپ كاسساعا قويىپ، اقشاسىن تولەيىن دەپ جاتقاندا سىرتتا اپىر-توپىر داۋىستار ەستىلىپ كەتتى. قارجاۋباي اعا «ساتپايمىز جىگىتتەر» دەگەن سوڭ «جاقسى» دەپ سىرتقا شىقتىق. مەن بارىپ ماشيناعا وتىردىم. تۋرا ءبىزدىڭ ماشينانىڭ ارتىنان قارا مەرسەدەس جاۋىپ تاستاعان ەكەن»، – دەدى ول.
