استانا–اقتاۋ باعىتى بويىنشا ۇشقان SCAT اۋەكومپانياسىنىڭ رەيسىندە بورتسەرىككە شابۋىل جاساعان جولاۋشى ۇستالدى. بۇل تۋرالى كولىكتەگى پوليتسيا دەپارتامەنتىنىڭ ءباسپاسوز قىزمەتى مالىمدەدى، دەپ حابارلايدى «ادىرنا» ءتىلشىسى.
«بۇل دەرەك ماڭعىستاۋ ستانتسياسىنداعى جەلىلىك پوليتسيا بولىمىنە تىركەلدى. قۇقىق بۇزۋشى ۇستالدى. تەكسەرۋ جۇرگىزىلىپ جاتىر.تەكسەرۋ ناتيجەسى بويىنشا، جانجالعا قاتىسۋشىلاردىڭ بارىنە قۇقىقتىق باعا بەرىلەدى»،—دەلىنگەن حابارلامادا.
ەسكە سالايىق، بۇعان دەيىن 20 ساۋىردە بولعان وقىس وقيعانىڭ بەينەجازباسى الەۋمەتتىك جەلىدە تاراعان ەدى. كۋاگەرلەردىڭ ايتۋىنشا، جولاۋشىلار ۇشاقتان ءتۇسىپ جاتقان ساتتە ءبىر جولاۋشى ۇيالى تەلەفونىن سالوندا ۇمىتىپ كەتكەنىن بايقاپ، قايتا كىرۋگە تىرىسقان. الايدا بورتسەرىك ونىڭ سالونعا بىردەن كىرۋىنە رۇقسات بەرمەي، ءبىراز كۇتۋىن وتىنگەن.
