ءۇندىستاننان قازاقستانعا ءبىلىم الۋ ءۇشىن كەلگەن ستۋدەنت شىمكەنتتە كوز جۇمدى، دەپ حابارلايدى "ادىرنا" ۇلتتىق پورتالى.
ۇندىستاندىق PTC News باسىلىمىنىڭ مالىمەتىنشە، 21 جاستاعى ستۋدەنت رادجاستحان شتاتىنان كەلىپ، مەديتسينا ماماندىعى بويىنشا وقىپ جۇرگەن.
29 ناۋرىزدا ستۋدەنت سپورتزالداعى قارقىندى جاتتىعۋدان كەيىن جۇرەك تالماسىنا ۇشىراعان. ول دوسىنا حابارلاسىپ، كومەك سۇراپ ۇلگەرگەن. دوسى ونى بىردەن اۋرۋحاناعا جەتكىزگەنىمەن، جولدا كوز جۇمعان.
قازاقستاندىق دارىگەرلەر ونىڭ قايتىس بولعانىن راستادى.
جۇرەك تالماسىنان ءۇش ساعات بۇرىن ول اپكەسىمەن تەلەفون ارقىلى سويلەسكەن. ءوزىن جاقسى سەزىنگەنىن ايتىپ، ەشقانداي شاعىم بىلدىرمەگەن. مارقۇمنىڭ اكەسى 31 ناۋرىزدا قازاقستانعا ۇلىنىڭ دەنەسىن الىپ كەتۋ ءۇشىن ۇشىپ كەلگەن.
