قاراعاندى وبلىسىنىڭ اكىمى جەڭىس قاسىمبەك قول استىنداعىلاردان الەۋمەتتىك جەلىلەردە پاراقشالار اشۋدى جانە وندا ورنالاستىرىلعان اقپاراتتى باقىلاۋدى تالاپ ەتتى. وسىلايشا، ول جەزقازعان تۇرعىندارىنىڭ اۋىز سۋسىز قالعان ى تۋرالى شاعىمدارىنا جاۋاپ بەردى، دەپ حابارلايدى وبلىس اكىمدىگىنىڭ سايتى.
قاسىمبەك Facebook-تا جەكە پاراقشاسىن اشقانىن باسا ايتتى. «بۇگىندە بۇل قاجەتتىلىك. بىرىنشىدەن، بۇل ينتەرنەتتەگى جاعدايدى ءتۇسىنۋ جانە وبلىس تۇرعىندارىنىڭ قاجەتتىلىكتەرىنە تەز جاۋاپ بەرۋ ءۇشىن قاجەت »، - دەپ ءتۇسىندىردى ول.
اكىم باعىنىشتى قىزمەتكەرلەردى جوعارىدان نۇسقاۋلار كۇتپەي، تەز ارادا شەشىم قابىلداۋعا شاقىردى.
اپات سالدارىنان تۇرعىندار بىرنەشە كۇن بويى سۋسىز قالعان. جەزقازعانداعى جاعدايعا تۇسىنىك بەرە وتىرىپ، شەنەۋنىك ونى «مۇلدەم دۇرىس ەمەس جاعداي» دەپ اتادى.
«ءبىز جىلۋ ماۋسىمىنا دايىندىق تۋرالى سويلەسىپ جاتىرمىز. ەگەر ءسىز ىستىق سۋمەن قامتاماسىز ەتە الماساڭىز، نە ىستەۋگە دايىنسىز؟ ىستىق سۋدى قويىپ، سۋىق سۋمەن ماسەلە تۋىنداپ وتىر. مەنىڭ قابىلداۋىما سۋ جەتكىزۋمەن اينالىساتىن ۇيىمداردىڭ جۇمىسىنىڭ ساپاسى تۋرالى كوپتەگەن قوڭىراۋلار تۇسەدى. بۇگىن وسى ماسەلەنى شەشۋ ءۇشىن جۇمىس جاساڭىز »، - دەدى قاسىمبەك قول استىنداعىلارعا.
ءوز كەزەگىندە جەزقازعان قالاسىنىڭ اكىمى قايرات بەگىموۆ سۋ قۇبىرىنداعى اپات جويىلعانىن، ونى ىسكە قوسۋ جۇمىستارى جۇرگىزىلىپ جاتقانىن حابارلادى.
جەڭىس قاسىمبەك 19 قىركۇيەكتەن باستاپ قاراعاندى وبلىسىنىڭ اكىمى بولىپ تاعايىندالدى. اقپان ايىنان باستاپ ۆيتسە-پرەمەر قىزمەتىن اتقاردى.
قازاقستاندىق شەنەۋنىكتەر الەۋمەتتىك جەلىلەردە ەل پرەزيدەنتى قاسىم-جومارت توقاەۆتىڭ ۇندەۋىنەن كەيىن پاراقشالار اشا باستادى . مەملەكەت باسشىسىنىڭ ءوزى بىرنەشە جىل بويى تۆيتتەردە بەلسەندى تۇردە جازىپ كەلەدى، ال 1 ساۋىردەن باستاپ ينستاگرام پاراقشاسىن اشتى.
