قازاقستاندىق جاس شاحماتشى قايرات ابدۋل-مالىك سەربيانىڭ ۆرنياچكا-بانيا قالاسىندا وتكەن الەم چەمپيوناتىندا 7 جاسقا دەيىنگى كاتەگوريادا جەڭىمپاز اتاندى، دەپ حابارلايدى “ادىرنا” ۇلتتىق پورتالى.
بۇل تۋرالى قازاقستان شاحمات فەدەراتسياسى مالىمدەدى.
ابدۋل-مالىك سوڭعى تۋرعا دەيىن 8 ۇپاي جيناپ، قارسىلاسىنان ءبىر ۇپايعا وزىپ شىقتى. شەشۋشى ويىندا ول ءۇندىستان وكىلى وم ەش گوتتۋمۋكالانى جەڭدى.
جارىس ناتيجەلەرى (U7, 31 قاتىسۋشى):
1.قايرات ابدۋل-مالىك (قازاقستان) – 8 ۇپاي
2.وم ەش گوتتۋمۋكالا ء(ۇندىستان) – 7 ۇپاي
3.مۋسليم امراەۆ – 2,5 ۇپاي
قالعان 10 جاس ساناتىندا دا جۇلدەگەرلەر انىقتالۋدا. قازاقستاندىق شاحماتشىلاردىڭ جەتەۋى جۇلدەلى ورىندارعا ۇمىتكەر.
وتكەن جىلى شاحمات چەمپيوناتى پەرۋدىڭ ليما قالاسىندا وتكەن بولاتىن. سول كەزدە قازاقستاندىق ايارۋ التىنبەك (G13) التىن، ال يمان نابيەۆ (O9) قولا مەدال جەڭىپ العان ەدى.
