اقش-تا اق ءۇي ماڭىندا اقش قۇپيا قىزمەتىنىڭ اگەنتتەرى مەن قارۋلى ەر ادام اراسىندا اتىس بولدى، دەپ حابارلايدى "ادىرنا" ۇلتتىق پورتالى.
ەر ادام ءتارتىپ ساقشىلارىنىڭ بۇيرىقتارىنا باعىنۋدان باس تارتىپ، ناتيجەسىندە جارالانعان. قازىر كۇدىكتى اۋرۋحانادا جاتىر.
اقش قۇپيا قىزمەتىنىڭ ءباسپاسوز حاتشىسى ەنتوني گۋلەلمي اگەنتتىككە ينديانادان لاڭكەس كەلۋى مۇمكىن دەگەن اقپارات تۇسكەنىن مالىمدەدى.
اق ءۇي ماڭىندا سيپاتتاماعا سايكەس كەلەتىن ەر ادام بايقالعان. ول توقتاعان كولىگىنىڭ جانىندا تۇرىپ، تاپانشاسىن بۇلعاعان. قۇقىق قورعاۋ ورگاندارى ونى ۇستاۋعا ارەكەتتەنگەندە، ول بەرىلۋدەن باس تارتىپ، وق اتقان. جاۋاپ رەتىندە اگەنتتەر قارۋ قولدانعان.
وقيعا كەزىندە دونالد ترامپ ۆاشينگتوندا بولماعان.
شابۋىلداۋشىنىڭ مۇنداي ارەكەتكە نە ءۇشىن بارعانى ءالى بەلگىسىز.
