25 اقپان كۇنى سۋداننىڭ ومدۋرمان قالاسىندا اسكەري ۇشاق اپاتقا ۇشىراپ، 46 ادام قازا تاپتى، دەپ حابارلايدى "ادىرنا" ۇلتتىق پورتالى اssociated Press-كە سىلتەمە جاساپ.
قازا تاپقاندار اراسىندا ايەلدەر مەن بالالار دا بار.
بۇل وقيعا ەلدەگى سوڭعى جيىرما جىلداعى ەڭ اۋىر اۋە اپاتتارىنىڭ ءبىرى رەتىندە باعالانۋدا.
ۇشاق ۆادي-سايدنا اسكەري اۋە بازاسىنان ۇشىپ شىققان كەزدە اپاتقا ۇشىراعان.
العاشىندا 19 ادام قايتىس بولعانى حابارلانعان ەدى. دەگەنمەن، كەيىننەن بۇل كورسەتكىش 46 ادامعا جەتتى. كەمىندە 10 ادام جاراقات العان.
كارراري اۋدانىنداعى بىرنەشە تۇرعىن ۇيگە زاقىم كەلگەن.
قازىرگى ۋاقىتتا اپاتتىڭ ناقتى سەبەبى انىقتالعان جوق. بيلىك وقيعانىڭ ءمان-جايىن تەرگەپ جاتىر.
