الماتى قالاسىنداعى زووباق قازاقستاننىڭ باسقا قالاسىنا كوشەدى. بۇل تۋرالى الماتى وبلىسىنىڭ اكىمدىگى مالىمدەدى، دەپ حابارلايدى "ادىرنا" ۇلتتىق پورتالى.
الاتاۋ قالاسىندا وتكەن جوبا كەڭەسىندە زووباقتىڭ الاتاۋ قالاسىنا كوشۋى تۋريستىك ينفراقۇرىلىمدى دامىتۋ باعدارلاماسىنا بايلانىستى ەكەنى ايتىلدى.
سونىمەن قاتار، الاتاۋ قالاسىندا 11 جوبا ازىرلەنىپ جاتىر، ولاردىڭ ىشىندە تۋريزم، لوگيستيكا، ونەركاسىپ، ءبىلىم بەرۋ جانە بيزنەس سياقتى سالالار قامتىلعان.
الاتاۋدىڭ ينۆەستيتسيالىق تارتىمدىلىعىن ارتتىرۋ جانە كادرلىق الەۋەتىن نىعايتۋ ءۇشىن، الاتاۋ قالاسىندا جۇمىس ىستەيتىن ماماندارعا يپوتەكالىق كرەديت بەرۋ ءليميتىن ارتتىرۋ ۇسىنىلدى. ۆيتسە-پرەمەر قانات بوزىمباەۆ بۇل باعدارلامانى حالىقتىڭ قاجەتتىلىكتەرى مەن تۇرعىن ءۇي قۇرىلىسىنىڭ قارقىنىن ەسكەرە وتىرىپ، كەڭەيتۋ مۇمكىندىگىن قاراستىرۋدى تاپسىردى.
الماتى زووباعى 1937 جىلى اشىلعان. ول كەزدە ونىڭ اۋماعى تەك 7 گەكتاردى قۇراعان. 1960-جىلدارى زووپارك كەڭەيتىلگەن. قازىرگى ۋاقىتتا ەڭ كونە قازاقستاندىق زووباق 21 145 گەكتار اۋماقتى الىپ جاتىر.
ەسكە سالا كەتەيىك، 2024 جىلى پرەزيدەنتتىڭ جارلىعىمەن الاتاۋ قالاسى وبلىستىق ماڭىزى بار قالا بولىپ قۇرىلدى. ۇكىمەت قالا ءۇشىن باس جوسپاردى بەكىتتى جانە ىلە، تالعار اۋداندارى مەن قوناەۆ قالاسىنىڭ شەكارالارىن وزگەرتۋ تۋرالى شەشىم قابىلدادى. جاڭا قالا الەمدىك ينۆەستيتسيالاردى تارتۋ ورتالىعى بولماق.
