"قازاقمىس" كورپوراتسياسى ۇشاق ساتىپ العانىن راستادى. بىراق ونىڭ قازاقستاننىڭ تۇڭعىش پرەزيدەنتىنە ارنالماعانىن مالىمدەدى، دەپ حابارلايدى "ادىرنا" ۇلتتىق پورتالى.
بۇل اۋە كەمەسى تەك وندىرىستىك قاجەتتىلىكتەرگە الىنعانى ايتىلدى.
كورپوراتسيانىڭ ءباسپاسوز قىزمەتى باق پەن الەۋمەتتىك جەلى قولدانۋشىلارىن جالعان اقپارات تاراتپاۋعا جانە مالىمەتتەردىڭ دۇرىستىعىن تەكسەرۋگە شاقىردى.
"بىرقاتار باق پەن الەۋمەتتىك جەلىلەردە «قازاقمىس» كورپوراتسياسى قازاقستاننىڭ تۇڭعىش پرەزيدەنتىنە ۇشاق ساتىپ الدى دەگەن اقپارات تاراپ جاتىر. بۇل اقپاراتتىڭ شىندىققا سايكەس كەلمەيتىنىن رەسمي تۇردە مالىمدەيمىز. ءبىزدىڭ كومپانيا جەكە تۇلعالار ءۇشىن ۇشاق ساتىپ المايدى. بۇل بورت كورپوراتسيانىڭ وندىرىستىك جۇمىستارى ءۇشىن الىنعان،" – دەلىنگەن رەسمي حابارلامادا.
