ۇلكەن الماتى اينالما اۆتوموبيل جولىمەن ءجۇرۋ اقىسى ەكى ەسە ارتپاق. بۇل تۋرالى informburo.kz كولىك مينيسترلىگىنە سىلتەپ جازدى، دەپ حابارلايدى “ادىرنا” ۇلتتىق پورتالى.
جاڭا تاريفكە سايكەس، باعا ەكى ەسە وسەدى:
- جەڭىل اۆتوموبيلدەر ءۇشىن – 0,14 اەك;
- 16 جولاۋشى ورنىنا دەيىنگى اۆتوبۋستار جانە جۇك كوتەرگىشتىگى 2,5 تونناعا دەيىنگى جۇك اۆتوموبيلدەرى ءۇشىن – 0,16 اەك;
- 32 جولاۋشى ورنىنا دەيىنگى اۆتوبۋستار جانە جۇك كوتەرگىشتىگى 5,5 تونناعا دەيىنگى جۇك اۆتوموبيلدەرى ءۇشىن – 0,28 اەك;
- 32 جولاۋشى ورنىنا دەيىنگى اۆتوبۋستار جانە جۇك كوتەرگىشتىگى 10 تونناعا دەيىنگى جۇك اۆتوموبيلدەرى ءۇشىن – 0,32 اەك;
- جۇك كوتەرگىشتىگى 10 توننادان 15 تونناعا دەيىنگى اۆتوموبيلدەر ءۇشىن – 0,4 اەك;
- جۇك كوتەرگىشتىگى 15 توننادان اساتىن اۆتوموبيلدەر، ونىڭ ىشىندە تىركەمەلەرى بار اۆتوموبيلدەر ءۇشىن – 0,44 اەك.
سايكەسىنشە، ايلىق جانە جىلدىق ابونەمەنتتەر قۇنى دا ەكى ەسە وسەدى.
كولىك مينيسترلىگىنىڭ تۇسىندىرۋىنشە، بۇل وزگەرىس جولاقىسىن ۋاقىتىلى تولەۋ ماقساتىندا ەنگىزىلىپ وتىر. وسى ورايدا، جول اقىسىن 15 كۇننەن كەشىكتىرمەي تولەگەن جولاۋشىلار 50 پايىزدىق جەڭىلدىككە يە بولادى.
بۇعان دەيىن ۇلكەن الماتى اينالما اۆتوموبيل جولىمەن ءجۇرۋ اقىسى 2024 جىلعى قاڭتاردا دا وسكەن بولاتىن.
