مەملەكەت باسشىسى قاسىم-جومارت توقاەۆ ەنەرگەتيكا ءمينيسترى الماسادام ساتقاليەۆتى قابىلدادى. بۇل تۋرالى بۇگىن، 23 جەلتوقساندا اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
پرەزيدەنتكە ۆەدومستۆو جۇمىسىنىڭ نەگىزگى قورىتىندىلارى مەن ەلىمىزدەگى وتىن-ەنەرگەتيكا كەشەنىن دامىتۋ جوسپارى، سونداي-اق مۇناي-گاز جانە ەنەرگەتيكا سالالارىنداعى ءىرى جوبالاردىڭ جۇزەگە اسىرىلۋى جونىندە اقپارات بەرىلدى. سونداي-اق جىلىتۋ ماۋسىمىنىڭ بارىسى جانە جىلۋ-ەلەكترمەن قامتۋ بويىنشا ءىرى نىسانداردىڭ جۇمىسى تۋرالى باياندالدى.
«مەملەكەت باسشىسى جىلىتۋ ماۋسىمىن ەرەكشە باقىلاۋدا ۇستاۋدى جانە ەنەرگەتيكا ينفراقۇرىلىمىن جاڭعىرتۋعا قاتىستى جوبالاردى ىسكە اسىرۋدى تاپسىردى. ودان بولەك، قازاقستانداعى اتوم ەلەكتر ستانتسياسىنىڭ قۇرىلىسىن جەدەلدەتۋدىڭ ماڭىزىن اتاپ ءوتتى»،—دەلىنگەن حابارلامادا.
