قازاق ادەبيەتىنىڭ كلاسسيگى ءسابيت مۇقانوۆتىڭ قىزى بايان مۇقانوۆا قايتىس بولدى، دەپ حابارلايدى "ادىرنا" ۇلتتىق پورتالى.
اقپاراتتى س.مۇقانوۆ پەن ع.مۇسىرەپوۆتىڭ ادەبي-مەموريالدىق مۋزەي كەشەنى حابارلادى.
"مارقۇمنىڭ قايتىس بولۋىنا بايلانىستى وتباسى مەن تۋىستارىنا قايعىسىنا ورتاقتاسىپ، كوڭىل ايتامىز", – دەلىنگەن حابارلامادا.
بايان سابيتقىزى مۇقانوۆا — قازاق جازۋشىسى، دراماتۋرگ، قازاقستان رەسپۋبليكاسىنىڭ مادەنيەت، اقپارات جانە قوعامدىق دامۋ مينيسترلىگىنىڭ باس ماماندارىنىڭ ءبىرى بولعان.
1989 جىلدان باستاپ قازاقستان جازۋشىلار وداعىنىڭ اۋدارما كوللەگياسىندا اعا رەداكتور، «جازۋشى» باسپاسىندا اعا رەداكتسيالىق قىزمەتكەر. 1997 جىلدان بەرى قازاق ۇلتتىق ونەر ۋنيۆەرسيتەتىنىڭ پروفەسسورى اتاندى.
