توقاەۆ زەينەتاقى جۇيەسىنىڭ تيىمدىلىگىن ارتتىرۋعا ۇلكەن ءمان بەرۋ قاجەتتىگىن باسا ايتتى
مەملەكەت باسشىسى قاسىم-جومارت توقاەۆ ازاماتتارعا زەينەتاقى جيناعىن پايدالانۋعا رۇقسات بەرۋ ماسەلەسىن پىسىقتاۋدى ۇكىمەتكە تاپسىردى، دەپ حابارلايدى Sputnik قازاقستان تىلشىسى.
"ۇكىمەت پەن ۇلتتىق بانك ءبىراز شارۋا اتقارىپ، زەينەاتقى جۇيەسىنىڭ تيىمدىلىگىن ارتتىرۋى قاجەت. بۇگىندە جۇمىس ىستەپ جۇرگەن ادام زەينەتاقى جيناقتارىن پايدالانا المايدى. ونى تەك زەينەتكە شىققان كەزدە عانا الۋعا رۇقسات بار. بىراق ول اقشانىڭ زەينەتكە دەيىن پايدالانامىن دەيتىن ادامدى دا تۇسىنۋگە بولادى. سوندىقتان ۇكىمەتكە جىلدىڭ سوڭىنا دەيىن جۇمىس ىستەيتىن ادامداردىڭ زەينەتاقى جيناعىنىڭ ءبىر بولىگىن ماقساتتى پايدالانۋ ماسەلەسىن پىسىقتاۋدى تاپسىرامىن", - دەدى توقاەۆ العاشقى جولداۋدى جاريالاۋ كەزىندە.
مەملەكەت باسشىسىنىڭ سوزىنە قاراعاندا، زەينەتاقى جيناقتارىن باسپانا ساتىپ الۋعا نەمەسە بىلىمگە جۇمساۋعا بولادى.
ايتا كەتەيىك، پرەزيدەنت قاسىم-جومارت توقاەۆ پارلامەنتتىڭ ەكى پالاتاسىنىڭ بىرلەسكەن وتىرىسىندا العاشقى قازاقستان حالقىنا جولداۋىن جاريالاپ جاتىر.
"ادىرنا" ۇلتتىق پورتالى
