جاقىندا قىرعىزستان پارلامەنتىنىڭ سپيكەرى نۋرلانبەك شاكيەۆ ەلدىڭ ءانۇرانىن وزگەرتۋ قاجەتتىگىن مالىمدەدى. ونىڭ ايتۋىنشا، ءانۇران امبەباپ بولۋى ءتيىس. پرەزيدەنت سادىر جاپاروۆ بۇل يدەيانى قولدادى، دەپ حابارلايدى «ادىرنا» ۇلتتىق پورتالى.
جاپاروۆ قازىرگى ءانۇراننىڭ 33 جىل بۇرىن جازىلعانىن اتاپ ءوتتى.
«قىرعىز حالقى، تاعدىرىڭ ءوز قولىڭدا، العا ۇمتىل»، – دەپ جازعان بولاتىن سول كەزدە ءانۇران اۆتورلارى. سودان بەرى ءبىز تولىققاندى مەملەكەت رەتىندە قالىپتاستىق. ءبىزدى بۇكىل الەم تانيدى. ءجۇز جىل وتسە، ءبىز ءالى دە ازات بولىپ، تاۋەلسىز ەلگە اينالعانىمىزدى ايتىپ جۇرەمىز بە؟ نەگە ءبىز تاۋەلسىز مەملەكەت ەكەنىمىزدى، 5 مىڭ جىلدىق تاريحى بار حالىق ەكەنىمىزدى جىرلاپ، جاستار مەن بولاشاق ۇرپاقتى شابىتتاندىراتىن ءانۇران جازباسقا؟» - دەدى سادىر جاپاروۆ.
سونىمەن قاتار، پرەزيدەنت مەملەكەتتىك تۋدىڭ ديزاينىن وزگەرتۋ ماسەلەسىن دە قوزعادى. ونىڭ ايتۋىنشا، جاڭا تۋ الدىڭعىسىنان جاقسىراق.
«ەسكى تۋدىڭ شاپاقتارى كۇنباعىسقا نەمەسە ارانىڭ ديسكىسىنە ۇقسايتىن. ەندى جاڭا تۋعا قاراعاندا، ونىڭ كۇننىڭ شاپاعى ەكەنى، ونىڭ جارقىراپ تۇرعانى بىردەن تۇسىنىكتى» - دەدى قىرعىزستان باسشىسى.
