پاريج وليمپياداسىنىڭ چەمپيونى ەلدوس سمەتوۆ توي جاساپ، قۋنىشتى ءساتىن جەلىگە جاريالادى، دەپ حابارلايدى "ادىرنا" ۇلتتىق پورتالى.
پاريجدە التىن مەدال يەلەنگەن قازاقستاندىق دزيۋدوشى ەلدوس سمەتوۆ تارازدا ەكى ۇلىنىڭ سۇندەت تويى مەن قىزىنىڭ ءتىلاشارىن جاسادى. كەشتىڭ ۆيدەوسى سپورتشىنىڭ Instagram جەلىسىندەگى پاراقشاسىندا جاريالاندى.
اتالمىش تويعا ەلدوستىڭ تۋعان-تۋىستارى، تانىمال انشىلەر، اكتەرلار، ونەر ادامدارى، سپورتشىلار قاتىسقان. بەينەدەن ەلدوس سمەتوۆ پەن ونىڭ وتباسىن قۇتتىقتاۋ ءۇشىن مەيرامبەك بەسپاەۆ، ساكەن مايعازيەۆ، تورەعالي تورەالى، ەرماحان يبرايموۆ، عۇسمان قىرعىزباەۆ سىندى قازاق ەستراداسىنىڭ جۇلدىزدارى، سپورتشىلار، ارتىستەر مەن كاسىپكەرلەر كەلگەنى بايقالادى.
