«ەدەلۆەيس» بازارىنىڭ ساۋداگەرلەرى كورشىلەس «التىن وردا» بازارىنىڭ اۋماعىنا كىرۋگە بوگەت قويىلعانىن ايتىپ، شۋ شىعاردى، دەپ حابارلايدى "ادىرنا" ۇلتتىق پورتالى قازتاگ-قا سىلتەپ.
بازار اكىمشىلىگى ساۋداگەرلەردىڭ "التىن وردا" بازارىنا بارعىسى كەلمەيتىنىن ايتتى.
«ەدەلۆەيس بازارى «التىن وردا» بازارىمەن شەكتەسەتىندىكتەن، بىزدە ادامدار ساۋدامەن ەركىن اينالىساتىن وتكەل بولدى. قازىر «التىن وردا» شەكارانى جاۋىپ، «بولدى، وتكىزبەيمىز» دەپ جاتىر. ءبىزدىڭ بازاردان شىعىپ، «التىن ورداعا» كىرەتىن كولىكتەرگە ەكى ەسە، ءۇش ەسەگە جۋىق تاريف الىنادى. ولاردىڭ مىندەتى – ءبىزدىڭ بازاردا وتىرعان ءدال وسى كوتەرمە ساۋداگەرلەردى ءوز ورىندارىنا تارتۋ. بىراق ولار ول جاققا بارعىسى كەلمەيدى. ويتكەنى قىسىم، تۇسىنىكسىز، كوپ ايىپپۇلدار مەن سالىقتار بار. ولار بۇل بازاردا مۇلدەم ساۋدا جاساعىلارى كەلمەيدى»، - دەپ ءبولىستى «ەدەلۆەيس» بازارىنىڭ اكىمشىلىگىنىڭ قىزمەتكەرى.
الماتىداعى «التىن وردا» مەن «ەدەلۆەيس» بازارلارى ءبىر-بىرىمەن شەكتەسەدى. ساۋدا ۇيلەرى مەن بازارلار قاۋىمداستىعىنىڭ باسشىسى ەلەنا موتكينانىڭ ايتۋىنشا، ساۋداگەرلەردىڭ 80 پايىزى التىن وردادان ەدەلۆەيسكە كوشكەن. وعان سەبەپ - جاڭا بازاردا ولارعا جاقسى جاعدايدىڭ جاسالۋى.
«ەدەلۆەيستەگى ترەيدەرلەر ەڭ بولماعاندا وتكەلدىڭ اشىلۋىن تالاپ ەتەدى. ويتكەنى، ءبارىبىر مۇندا 15-20 جىلدان بەرى تۇرعان ساۋداگەرلەر ساۋدامەن اينالىسادى، سوندىقتان ولار ءۇشىن مۇندا تيىمدىرەك، ويتكەنى مۇنداعى جالعا الۋ اقىسى تومەن»، – دەپ تۇسىندىرەدى مامان.
قازتاگ دەرەگىشە، "ەدەلەيس" بازارىنداعى ساۋداگەرلەردە ەكزوتيكالىق جەمىستەردىڭ تۇرلەرى بار. "ەدەلۆەيس" اكىمشىلىگى ادامداردىڭ ەركىن ساۋدا ماسەلەسىنە نازار اۋدارۋعا تىرىساتىنىن اتاپ وتەدى. 9 قازاندا حالىق جينالىپ، وسى قيىنشىلىقتاردى ايتتى.
قازتاگ رەداكتسياسى تۇسىنىكتەمە الۋ ءۇشىن الماتى وبلىسى اكىمدىگىنىڭ ءباسپاسوز قىزمەتىنە جۇگىندى.
