تۇركىستاندا كەسەنەگە كەلگەن تۋريستەرمەن اعىلشىنشا ەركىن سويلەسىپ جۇرگەن كۇزەتشىنىڭ كىم ەكەنى بەلگىلى بولدى، دەپ حابارلايدى «ادىرنا» ءتىلشىسى Qaz365.kz-كە سىلتەمە جاساپ.
55 جاستاعى شەر تالعاتبەكۇلى ءاپ ساتتە قازنەت جۇلدىزىنا اينالدى. تۇركىستاندىق ازامات جوعارى وقۋ ورنىن بىتىرمەگەن. بۇعان دەيىن ول جۇمىستا قۇرىلىسشى، جۇرگىزۋشى بولىپ جۇمىس ىستەپ كەلگەن.
«اعىلشىن ءتىلىن، بىرىنشىدەن، ۇيرەندىم دەپ ايتپاس ەدىم. ۇيرەنىپ ءجۇرمىن. تۋريستەرگە كەلەر بولساق، بۇل قاراپايىم قاجەتتىلىكتەن تۋىندايتىن ماسەلە عوي. ولار كەلگەننەن كەيىن، البەتتە، قىزمەت كورسەتۋ كەرەك. قازاقتا «ۇيدەن قىرىق قادام اتتاساڭ، ءمۇساپىرسىڭ» دەيدى عوي. تىلگە ءبىر قادام جاقسى بولعاننان كەيىن بىرەۋلەر اجەتحانا قايدا ەكەنىن سۇرايدى. وتىنەدى. ءتۇسىندىرىپ جىبەرەمىن. سۋسىن ىزدەگەن كەزدە قايدان الۋعا بولاتىنىن دا سۇرايدى. ونى دا كورسەتىپ جىبەرەم. سونىمەن جالعاسىپ كەتە بەرەدى»، - دەيدى ءىلياس شەر.
كۇزەتشى تىڭ ۇسىنىستار بولسا باسقا جۇمىسقا اۋىسۋعا دايىن ەكەنىن ايتتى.
«جوعارى ءبىلىم جوق بولعان سوڭ كىم جۇمىسقا الادى؟ دۇرىس قوي، ول ءۇشىن راستايتىن قۇجات بولۋ كەرەك. اللا ءناسىپ ەتسە، ۇسىنىستتار بولار. «ادامنىڭ باسى – اللانىڭ دوبى»،— دەيدى. نەگە بولماسقا؟ حالىققا جاراساق، قىزمەتىنە دايىنبىز. تاريحتى تۇسىندىرۋگە دايارمىز. ەل ءوسسىن، مەملەكەت كوركەيە بەرسىن. الەمگە تانىمال بولا بەرەيىك»، - دەيدى ول.
