مۇحتار اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ رەكتورى قايرات نۇرمانبەتوۆ ەكى ايعا قاماۋعا الىندى. اقپاراتتى شىمكەنت قالاسى سوتىنىڭ ءباسپاسوز قىزمەتى راستادى، دەپ حابارلايدى «ادىرنا» ءتىلشىسى.
«شىمكەنتتىڭ مامانداندىرىلعان تەرگەۋ سوتى كۇدىكتى قايرات نۇرمانبەتوۆكە قاتىستى 2024 جىلعى 18 قىركۇيەكتەن باستاپ 2024 جىلعى 18 قاراشاعا دەيىن ەكى ايعا «قاماۋدا ۇستاۋ» تۇرىندەگى بۇلتارتپاۋ شاراسىن سانكتسيالادى، كەپىل مولشەرى بەلگىلەنگەن جوق»، — دەلىنگەن حابارلامادا.
بۇعان دەيىن Otyrar تەلەارناسى رەكتوردىڭ 28 ميلليون تەڭگە كولەمىندە پارا الدى دەگەن كۇدىككە ىلىنگەنىن جازعان ەدى. قازىر وقيعاعا قاتىسى بار تاعى ەكى ادامعا قاتىستى ءىس قوزعالدى.
