ليۆاننىڭ "حەزبوللا" ۇيىمىنىڭ باسشىسى، حاسان ناسراللا، 27 قىركۇيەك كۇنى بەيرۋتتە ءيزرايلدىڭ اۋە شابۋىلى كەزىندە قازا بولدى، دەپ حابارلايدى “ادىرنا” ۇلتتىق پورتالى.
بۇل ارەكەتتەن كەيىن يزرايل ايماقتاعى قاۋىپسىزدىكتى جاقسارتۋعا جانە "حەزبوللامە"ن قاقتىعىستاردى توقتاتۋعا تىرىسۋدا.
اقش پرەزيدەنتى دجو بايدەن بۇل وپەراتسيانى ء"تورت ونجىلدىق تەراكت كەزەڭىنە ءادىل شارا" دەپ اتادى، بىراق ول دا، باسقا حالىقارالىق كوشباسشىلار دا تاياۋ شىعىستاعى قاقتىعىستاردىڭ ودان ءارى ورشۋىنە قارسى تۇرۋدا.
ءيزرايلدىڭ قورعانىس كۇشتەرى "حەزبوللانىڭ" اسكەري جانە بارلاۋ جەلىلەرىنە شابۋىلداردى جالعاستىردى. "حەزبوللا" ۇيىمى ناسراللانىڭ ءولىمىن راستادى جانە ليۆاننىڭ، پالەستينانىڭ جانە گازانىڭ مۇددەلەرىن قورعاۋدى جالعاستىراتىنىن مالىمدەدى.
قازىرگى تاڭدا ناسراللانىڭ ورنىنا ونىڭ اعايىنى حاشەم سافيەددين بولۋى مۇمكىن دەگەن بولجامدار بار.
بۇدان الدىن پالەستينالىقتاردىڭ "حاماس" ۇيىمىنىڭ جەتەكشىسى يسمايل حانيە تەگەراندا قازا تاپقان بولاتىن. ونىڭ ولىمىنە يزرايلدىكتەر جاۋاپتى دەپ تانىلعان.
