قر ۇلتتىق وليمپيادا كوميتەتىنىڭ پرەزيدەنتى گەننادي گولوۆكين پاريجدەگى وليمپيادادان كەيىن العاش رەت قازاق بوكسىنىڭ كوشباسشىلارىمەن كەزدەستى، دەپ حابارلايدى “ادىرنا” ۇلتتىق پورتالى قر ۇوك ءباسپاسوز قىزمەتىنە سىلتەپ.
«ۇوك باسشىسى 2024 جىلى پاريجدە (فرانتسيا) وتكەن وليمپيادا ويىندارىنا قاتىسقاننان كەيىن العاش رەت قازاقستان قۇراماسىنىڭ جاتتىقتىرۋشىلار قۇرامىمەن بەتپە-بەت كەزدەسۋ وتكىزدى. گەننادي گولوۆكين 2024 جىلعى وليمپياداعا قاتىسقان بوكسشىلاردىڭ قازىرگى جاعدايى تۋرالى ءبىلدى. سونداي-اق، جاتتىقتىرۋشىلار شتابى ءوز كەزەگىندە الداعى تۋرنيرلەرگە دايىندىق بويىنشا اعىمداعى وقۋ-جاتتىعۋ جيىندارىنىڭ بارىسى تۋرالى ايتتى»، - دەلىنگەن حابارلامادا.
كەزدەسۋگە ۇوك پرەزيدەنتى گەننادي گولوۆكين، باس حاتشى ءالىمجان اقاەۆ، قسب باسشىسى شاحمۇرات ءمۇتالىپ، اتقارۋشى ديرەكتور راۋان يگەنەۆ، سونداي-اق بوكستان قازاقستان ەرلەر قۇراماسىنىڭ باس باپكەرى قايرات ءساتجانوۆ جانە اعا جاتتىقتىرۋشى اسقار ەركەباەۆ قاتىستى.
كوماندا قاراقوزى ابداليەۆتى ەسكە الۋعا ارنالعان حالىقارالىق جارىستارعا جانە قازاقستان چەمپيوناتىنا قاتىسۋدى جوسپارلاپ وتىر. قايرات ءساتجانوۆ پەن اسقار ەركەباەۆتىڭ ايتۋىنشا، بۇل تۋرنيرلەردىڭ ناتيجەلەرى كوماندالىق قۇرامنىڭ قالىپتاسۋىنا تىكەلەي اسەر ەتەدى.
