پالەستينانىڭ گازا سەكتورىندا اشتىقتان قازا تاپقان بالالاردىڭ سانى ارتىپ كەلەدى، دەپ حابارلايدى “ادىرنا” ۇلتتىق پورتالى ۇلىسمەدياعا سىلتەپ.
اشتىقتىقتىڭ سالدارىنان قازا تاپقاندار سانى 37-گە جەتكەن.
سوڭعى اپتادا قورشاۋدا قالعان گازا سەكتورىندا تاعى ءبىر بالا اشتىقتان قايتىس بولعانى حابارلاندى.
پالەستينانىڭ WAFA رەسمي اقپارات اگەنتتىگى ياكين ەستال ەسىمدى جاس قىز دۇرىس تاماقتانباعاندىقتان جانە مەديتسينالىق كومەكتىڭ جوقتىعىنان جان تاپسىرعانىن مالىمدەگەن.
“كوپتەگەن جەرگىلىكتى بەلسەندىلەر الەۋمەتتىك جەلىدە بالانىڭ سۋرەتىن جاريالاپ، «ءسابي ەستال اۋرۋحانادا سوڭعى رەت دەمىن الدى، ول ءومىر ءسۇرۋ ءۇشىن وزگەەردىڭ ارەكەت ەتۋىن، قول ۇشىن سوزۋىن كۇتىپ جاتتى”، - دەگەن پىكىر قالدىردى.
ءيزرايلدىڭ حالىقارالىق قۇقىقتى بۇزاتىن شەكتەۋلەرى مەن شابۋىلدارى سالدارىنان گازانىڭ سولتۇستىگىندەگى پالەستينالىقتار ازىق-تۇلىك، سۋ جانە ءدارى-دارمەكتىڭ قاتتى تاپشىلىعىن كورىپ وتىرعانى بەلگىلى.
