ءبىر كەزدەرى ايگىلى «گورەلنيك» تەرمالدى بۇلاعىن سالعان الماتىلىق كاسىپكەر، مەتسەنات سەرگەي سپيتسىن قازىرگى ۋاقىتتا ىستىق بۇلاقتىڭ جاعدايى ناشار ەكەندىگى جايلى اقپاراتتى جوققا شىعاردى.
بيزنەسمەن ەكى رادون سۋى بار باسسەين ورنالاسقان الاڭنىڭ قازىرگى جاعدايى تۋرالى ايتىپ، جەلىدە بەينەجازبا جاريالادى.
كاسىپكەر بۇل تەرمالدى بۇلاقتىڭ جاعدايىنا قاتىستى ينتەرنەتتە جاعىمسىز جازبالار پايدا بولعاننان كەيىن تۋىنداعانىن اتاپ ءوتتى.
بۇعان دەيىن بلوگەر ە. ەدىلوۆ الەۋمەتتىك جەلىدەگى پاراقشاسىندا كيىم اۋىستىرۋ كابينالارى قوقىسقا تولىپ، ەمدەۋ ايماعىنىڭ استاڭ-كەستەڭى شىعىپ جاتقانىن كورسەتكەن بەينە جاريالاعان بولاتىن.
بيزنەسمەننىڭ ايتۋىنشا، بەينە بىرنەشە اي بۇرىن تۇسىرىلگەن. سول كەزدە بۇلاق اۋماعىن تازالاۋ جانە ونى تازا ۇستاۋ ماسەلەسىن ەكوبەلسەندى دەرەۋ شەشكەن. قازىر مەتسەنات ءتارتىپتى قاداعالاۋدى جالعاستىرىپ وتىرعانىن ايتىپ، جاقىندا مۇندا دارەتحانا سالۋعا ۋادە بەردى.
ايتا كەتەيىك، «گورەلنيك» ىستىق بۇلاعى «مەدەۋ» مۇز ايدىنى مەن «شىمبۇلاق» تاۋ شاڭعىسى كۋرورتىنىڭ اراسىندا تەڭىز دەڭگەيىنەن 1901 مەتر بيىكتىكتە ورنالاسقان. بۇل ىستىق جانە سۋىق مينەرالدى سۋى بار ەكى باسسەينى بار ەمدەۋ الاڭى. مۇندا سونداي-اق رادونعا باي بۇلاق بار. سۋ 320 مەترلىك ۇڭعىمادان الىنىپ، قۇبىر ارقىلى باسسەيندەردىڭ قاسىنا قۇيىلادى.
2016 جىلى ىستىق بۇلاق تولىق جاڭعىرتۋدان ءوتتى. سول كەزدە الاڭنىڭ ءوزى دە، ونىڭ سپورتتىق بولىگى دە تولىق جاڭارتىلدى: ۇيلەردىڭ ينتەرەرى مەن ەكستەرەرى زاماناۋي ۇلگىگە كەلتىرىلدى، ۆەلوسيپەد تۇراعى پايدا بولدى جانە ت.ب. سونىمەن قاتار، مۇندا ءدامدى تاعامدار ۇسىناتىن ۆيزيت ورتالىق سالىندى.
قازىرگى تاڭدا تەرمالدى بۇلاق – الماتىلىقتار مەن مەگاپوليس قوناقتارىنىڭ سۇيىكتى دەمالىس ورنى. ايتپاقشى، كوپشىلىك شىمبۇلاق نەمەسە مەدەۋگە بارار الدىندا «گورەلنيككە» سوعۋدى داستۇرگە اينالدىرعان.
سەرگەي سپيتسىن
