مەملەكەت باسشىسى ق.توقاەۆ "ەلىمىزدىڭ باستى كاپيتالى - ادام. دەنى ساۋ ۇلت - مىقتى مەملەكەتتىڭ بەرىك تۇعىرى، نەگىزى" دەپ ءار جولداۋىندا دەنساۋلىق سالاسىنا ارناي توقتالىپ، مەديتسينالىق قىزمەت ساپاسىن ارتتىرۋدا قاداۋ-قاداۋ يگى ىستەردى ىسكە اسىرۋعا قوماقتى قارجى ەش كەدەرگىسىز بولىنەتىنىن ايتىپ كەلەدى. سونىڭ ءبىر جارقىن ۇلگىسى بۇگىن اۋدانىمىزدا ورىن الدى.
بوكەي ورداسى اۋدانىنا قاراستى ءتورت بىردەي اۋىلدىق وكرۋگتە، اتاپ ايتقاندا، سايقىن اۋىلدىق وكرۋگىنە قاراستى شوڭاي ەلدى مەكەنىندە، مۇراتساي اۋىلدىق وكرۋگىنە قاراستى اجەن ەلدى مەكەنىندە، بيسەن اۋىلدىق وكرۋگىنە قاراستى جەتىباي مەن كوكتەرەكتە كۇردەلى جوندەۋدەن وتكەن مەديتسينالىق پۋنكت پايدالانۋعا بەرىلدى.
اۋدان اكىمى نۇرلىبەك داۋموۆ، اۋداندىق اۋرۋحانا باسشىسى اناربەك بەليسانوۆ ارنايى بارىپ، تۇرعىندار قۋانىشىمەن ءبولىستى.
- اۋىلدىڭ الەۋمەتتىك جاعدايىن جاقسارتۋدا ىلكىمدى ىستەر قولعا الىنۋدا. ەسەپتىك كەزدەسۋلەردە اۋىل ازاماتتارى اۋىلداعى امبۋلاتوريا، مەديتسينالىق پۋنكتتەردىڭ توزىعى جەتىپ، كۇيى قاشقانىن، جەدەل جاردەم كولىكتەرىنىڭ ىستەن شىعىپ، فەلدشەرلەردىڭ كولىكسىز قالعانىن ماسەلە عىپ كوتەردى. كۇنى كەشە ءبىر ەمەس بىرنەشە وكرۋگكە جەدەل جاردەم كولىگىنىى كىلتىن تابىستادىق. مىنە، بۇگىن مەديتسينالىق نىسانداردىڭ دا ماسەلەسىنىڭ دە وڭ شەشىم تاپقانىنا كۋا بولىپ تۇرمىز. بيىلدىڭ وزىندە شوڭاي، اجەن، كوكتەرەك، جەتىباي، تايعارا، كەڭوي ەلدى مەكەندەرىندەگى مەديتسينالىق پۋنكتتى كۇردەلى جوندەۋ قولعا الىندى. ءدال بۇگىن ءتورت نىسان پايدالانۋعا بەرىلدى. قالعان ەكى نىساننىڭ جوندەۋ جۇمىسىن جىل اياعىنا دەيىن اياقتايمىز دەگەن جوسپار بار. وسىنداي جارقىن ىستەرىمىز جالعاستى بولسىن، - دەدى اۋدان اكىمى نۇرلىبەك جاسقايراتۇلى.
سونىمەن قاتار اۋدان باسشىسى ساپالى قىزمەت كورسەتكەن مەردىگەر كومپانيالارعا دا العىسىن ءبىلدىردى. تاراتىپ ايتساق، جەتىباي، شوڭاي اۋىلىنداعى مەديتسينالىق پۋنكت عيماراتتارىن "جول" جشس، اجەن اۋىلىنداعى مەديتسينالىق پۋنكتتى "سيمۆول" جشس، كوكتەرەك اۋىلىنداعى مەديتسينالىق پۋنكت عيماراتىن "بەككاليەۆ س.ر." جك كۇردەلى جوندەۋدەن وتكىزدى. عيمارات قانا جاڭارىپ، جاڭعىرتىلعان جوق، مەديتسينالىق پۋنكتتەر زاماناۋي مەديتسينالىق قۇرال-جابدىقتارمەن قامتاماسىز ەتىلدى.
ناۋشا شومانوۆا، قادىرباي ايتاسوۆ جانە بيسەن يجانوۆ سياقتى اعا-اپالارىمىز اۋىل تۇرعىندارى اتىنان جەرگىلىكتى بيلىك پەن قۇرىلىسقا جاۋاپتى ازاماتتارعا ريزاشىلىقتارىن ءبىلدىرىپ، العىستارىن ايتتى.
ە.بيسەنعاليەۆ،
«وردا جۇلدىزى» گازەتىنىڭ ءتىلشىسى
بقو،بوكەي ورداسى اۋدانى
