قوناەۆ قالاسىندا مارشرۋتتىق اۆتوبۋستاردىڭ بىرىندە قانعا ۇلاسقان جانجال ورىن الدى، - دەپ حابارلايدى “ادىرنا” ۇلتتىق پورتالى. جولاۋشىلاردىڭ ءبىرى ەكىنشىسىنە پىشاق سۇققان.
ۆيدەولاردىڭ بىرىندە قان-جوسا بولعان ەر ادام بەينەلەنگەن. كۋاگەرلەردىڭ ايتۋىنشا، مويىن تۇسىنان پىشاقپەن جارالانعان ەر ادام قىزدىڭ ۇستىنە قۇلاپ كەتە جازدادى.
قوناەۆ پوليتسياسىنىڭ مالىمەتىنشە، شابۋىل جاساعان ادام قازىر ۇستالعان.
«جەدەل ىزدەستىرۋ ءىس-شارالارى بارىسىندا قوناەۆ پوليتسيا ءبولىمىنىڭ قىزمەتكەرلەرى جەدەل ىزدەستىرۋ شاراسىندا قوعامدىق كولىكتە 41 جاستاعى ەر ادامدى پىشاقتاپ كەتكەن 36 جاستاعى وبلىس ورتالىعىنىڭ تۇرعىنىن ۇستاپ، پوليتسياعا اكەلدى. ادام ولتىرۋگە وقتالۋ فاكتىسى بويىنشا قالالىق پوليتسياعا تىركەلدى»، - دەپ حابارلادى الماتى وبلىسى ءىىد ءباسپاسوز قىزمەتى.
قازىرگى ۋاقىتتا تەرگەۋدىڭ تولىقتىعى مەن وبەكتيۆتىلىگىن قامتاماسىز ەتۋ ءۇشىن بارلىق قاجەتتى تەرگەۋ ارەكەتتەرى جۇرگىزىلۋدە. كۇدىكتى ۋاقىتشا ۇستاۋ يزولياتورىنا قامالدى.
زارداپ شەككەن جولاۋشىنىڭ جاعدايى ازىرگە بەلگىسىز.
