فۋتبولدان ەۋروپا ليگاسىنىڭ ەكىنشى كەزەڭىندە شىمكەنتتىڭ "ورداباسى" كومانداسى ءوز الاڭىندا چەحيانىڭ "ملادا بولەسلاۆ" كومانداسىنا 2-3 ەسەبىمەن جەڭىلىپ قالدى.
بۇل ماتچتى شىمكەنت قالاسىنداعى ق.مۇڭايتپاسوۆ اتىنداعى ورتالىق ستاديوندا 20 مىڭعا جۋىق جانكۇيەر تاماشالادى.
ء"بىزدى قولداپ كەلگەن جانكۇيەرلەرگە ۇلكەن راقمەت. ولاردى ءوز جەڭسىمىزبەن قۋانتقىمىز كەلىپ ەدى. ويىنشىلار دا، جانكۇيەرلەر دە ۇيالاتىنداي ويىن بولعان جوق. ورداباسى ءبىرىنشى جانە ەكىنشى ويىندا دا ەۋروپاعا ءوزىن جاقسى جاعىنان كورسەتە ءبىلدى. ويىن باسىندا جىلدام گول جىبەرىپ العانىمىز پسيحولوگيالىق تۇرعىدا قيىن بولدى. سىرت الاڭداعى 1-1 ەسەبى ويىنشىلارعا پسيحولوگيالىق تۇرعىدا قيىندىق تۋعىزدى. سىرتتاعى 1 گولدى ەسەپتەپ، ويىنشىلار گول سالدىرماساق بولدى دەگەن ويمەن وينادى. سول وي ءبىزدى جازالادى. ولاي ويلاپ ويناۋعا بولمايدى. ءبىز قايداعى ءبىر تاكسيستەرگە ۇتىلعان جوقپىز. دەڭگەيى جوعارى بىرىنشىلىكتە وينايتىن كاسىبي كومانداعا ۇتىلدىق. سوعان قاراماستان مەن ويىنشىلارىما العىس ايتامىن. ءبىز بيىل قپل-دە جوعارعى ورىندارعا تالاسا الاتىن جاقسى كوماندا قۇرا بىلدىك"- دەدى ول.
"ادىرنا" ۇلتتىق پورتالى
