استانادا IT-سالاسىندا گەندەرلىك ستەرەوتيپتەردى ازايتۋعا جانە نازىك جاندىلاردى تسيفرلى سالاعا تارتۋعا باعىتتالعان تانىمال «RoboTechnoGirls» جوباسى جۇمىسىن باستادى.
ەلوردالىق «روبوتەك» كومپانياسىندا قازىردىڭ وزىندە جازعى مەكتەپ اشىلدى، وندا جۇزدەن استام قىز باعدارلامالاۋ جانە ديزاين بويىنشا العاشقى بىلىمدەرىن تەگىن الىپ، اقپاراتتىق تەحنولوگيالار، روبوتوتەحنيكا، ينجەنەريا جانە جاساندى ينتەللەكتپەن تانىسادى.
– «RoboTechnoGirls گەندەرلىك ستەرەوتيپتەردى بۇزۋعا كومەكتەسەدى جانە قىزداردى STEM بىلىمىنە جانە جالپى IT سالاسىنا قىزىعۋشىلىق تانىتۋعا شابىتتاندىرادى. جوبانىڭ ميسسياسى ءبىزدىڭ كومپانيانىڭ بالالاردىڭ بولاشاققا العاشقى قادام جاساۋىن قامتاماسىز ەتۋ ميسسياسىمەن تولىق سايكەس كەلەدى»، – دەيدى «روبوتەكتىڭ» باس ديرەكتورى سانجار شالقاربەكوۆ.
«RoboTechnoGirls» بىرەگەي جوباسىن قۇرۋ تۋرالى مەموراندۋمعا «TechnoWomen Asia» جانە «روبوتەك» كوممەرتسيالىق ەمەس ۇيىمى قول قويدى.
– بۇگىننىڭ وزىندە ەلدە ونەركاسىپتىڭ تەك ەركەكتەرگە ارنالعان باسىمدىعى تۋرالى ستەرەوتيپتىك يدەيالار جويىلۋدا، قازىر سالىستىرمالى تۇردە نازىك جاندىلار كۇردەلى تەحنولوگيالىق پروتسەستەردى يگەرگەن، كرەاتيۆتى ينجەنەرلىك شەشىمدەردى ەنگىزىپ، الەمدى جاڭا نارسەلەرمەن تاڭ قالدىرۋدا، – دەپ جوباعا قاتىسۋشىلاردى جانە ولاردىڭ اتا-انالارىن «اگروماش حولدينگ» پرەزيدەنتى دينارا شۇكىجانوۆا شابىتتاندىردى.
قازاقستاندىق كوماندالاردىڭ قۇرامىندا قىزدار روبوتوتەحنيكادان ەڭ بەدەلدى الەمدىك تۋرنيرلەردە ەل نامىسىن قورعاپ ءجۇر.
– مامىر ايىندا استانادا وتكەن «Robotek Grand Tournament» حالىقارالىق چەمپيوناتىندا قىزداردان قۇرالعان بىرنەشە كوماندا جەڭىس تۇعىرىنا كوتەرىلدى. ال Robotek Grand تۋرنيرىندە العاش رەت ۇسىنىلعان ءبىزدىڭ كومپانيانىڭ بويتۇمارىن ورالدىق ديلناز نۇرعاليەۆا ويلاپ تاپقان، – دەپ اتاپ ءوتتى سانجار شالقاربەكوۆ.
«RoboTechnoGirls» باعدارلاماسىندا قازاقستاندىق IT-يندۋسترياسىنىڭ ەڭ تانىمال كوشباسشىلارىمەن كوپتەگەن تاقىرىپتىق كەزدەسۋلەر جوسپارلانعان، وندا ەرتەڭگى سۇرانىسقا يە ماماندىقتار تانىستىرىلادى. بۇگىنگى تاڭدا جوباعا قاتىسۋشىلار ۆەب-اناليتيكا، دەرەكتەر تۋرالى عىلىم، كيبەرقاۋىپسىزدىك جۇيەلەرىن جانە باسقا دا جاھاندىق قۇزىرەتتەردى مەڭگەرۋگە نيەتتى.
«RoboTechnoGirls» سەرىكتەستەرى جازعى مەكتەپتى بىتىرگەن العاشقى ءجۇز قىزدىڭ وزىنە سەنىمدىلىگى ارتاتىنى ءسوزسىز، ولار تسيفرلى الەمگە العاشقى قادامىن جاساپ قانا قويماي، ونىڭ جاھاندىق ترەندتەرىمەن سۋسىنداپ، بولاشاققا جوسپار قۇراتىنىنا سەنىمدى. ولاردىڭ قاتارىندا ەلوردالىق «استانا دارىنى» ورتالىعى، ەلدەگى ەڭ ءىرى بانك سانالاتىن ForteBank جانە قازاقستاندىق Allur اۆتوموبيل كومپانياسى بار.
ەندى بىرەگەي جوبانى بارلىق ايماقتاردا ودان ءارى كەڭەيتۋ جوسپاردا بار. «RoboTechnoGirls» قازاقستاندىق ينتەللەكتۋالدى تەحنولوگيالاردى ءوز ەلدەرىندە ءساتتى ەنگىزىپ جاتقان «روبوتەكتىڭ» شەتەلدىك سەرىكتەستەرىنىڭ ۇلكەن قىزىعۋشىلىعىن تۋدىردى، ولاردىڭ بارلىعى سپورتتىق روبوتوتەحنيكادا دا، ناقتى تسيفرلى شىندىقتا دا گەندەرلىك الشاقتىقتى قىسقارتۋعا ۇمتىلادى.
«Robotek» – ەلىمىزگە جانە الەمگە تانىمال، STEM ءبىلىم بەرۋ سالاسىنداعى ەڭ تابىستى وتاندىق كومپانيالاردىڭ ءبىرى. 2023 جىلدىڭ قاراشاسىندا «Robotek» پانامادا وتكەن دۇنيەجۇزىلىك روبوتتار وليمپياداسىندا جەڭىس تۇعىرىنا كوتەرىلدى، وندا قاتارىنان ەكى كوماندا جەڭىسكە جەتتى. سونىمەن قاتار WRO الاڭىندا اقش-تىڭ «Chasewood Learning» STEM سالاسىنداعى ءبىلىم بەرۋ قىزمەتتەرىنىڭ تانىمال ورتالىعىمەن، حەبەيدەگى №19 سينتاي ورتا مەكتەبىمەن، قىتايداعى №19 ورتا مەكتەپپەن جانە ءازىربايجاننىڭ «AREA» روبوتوتەحنيكا ينجەنەرلىك اكادەمياسىمەن ستراتەگيالىق سەرىكتەستىك ورناتتى.
مامىر ايىندا استانادا تۇركىتىلدەس ەلدەردىڭ ۇزدىك روبوتوتەحنيكا ماماندارى قازاق شاڭىراعى استىندا باس قوستى. «TurkTime!» جاھاندىق باستاماسى اياسىندا «اقىلمان» پرەزيدەنتتىك ليتسەيى (شولپان اتا), «ساپات» حالىقارالىق جەلىسى(بىشكەك), «Seytek STEM» ءبىلىم بەرۋ كەشەنى (توقماق), وزبەكستاننىڭ تاشكەنت پەن شىرشىعىنان «SteamLand» جانە «Roboschool» ءبىلىم بەرۋ ورتالىعى، سونداي-اق تاجىكستاندىق «روبوتتار ليگاسىنىڭ» ۇزدىك ۇجىمدارىمەن ىنتىماقتاستىق تۋرالى مەموراندۋمدارعا قول قويىلدى.
ميرا اليپينوۆا
سۋرەتتەردى تۇسىرگەن يگور بۋرگاندينوۆ
