شامامەن تاڭعى ساعات 4 شاماسىندا ءوزىنىڭ ۇستىندە جاتقان ەر ادامنىڭ سالماعىنان ويانىپ كەتكەن. جولاۋشى ول ادامنىڭ ءوزى قۋىپ شىققان جولسەرىك ەكەنىن جازباي تانيدى.
جولسەرىكتەرگە 2018 جىلدىڭ 26-قىركۇيەگىندە «تۇلپار-تالگو» پويىزىندا كۋپەدەگى قىزعا سەكسۋالدى زورلىق-زومبىلىق كورسەتتى دەگەن ايىپ تاعىلعان.
قوعامدى ءدۇر سىلكىندىرگەن شۋلى وقيعانىڭ جاريا بولىپ كەتۋىنە «نە مولچي.كز» قوزعالىسىنىڭ كوشباسشىسى دينا سمايلوۆا سەبەپ بولدى.
ونىڭ ايتۋىنشا، جابىرلەنۋشى ايەل نۇر-سۇلتان قالاسىنان اقتوبەگە قايتىپ كەلە جاتقان. العاشىندا كۋپەدە جالعىز بولىپتى. ارتىنشا مەيرامحاناعا تاماق ىشۋگە كەتەدى. قايتىپ كەلسە، ازاماتتىق كيىمدەگى جولسەرىك وتىرعان. بىراق ايەل جولسەرىكتى شىعارىپ جىبەرەدى.
«ايەل قورقىنىشتان ەشقانداي ارەكەت جاساي الماي قالعان. ول دەم الا الماي، قوزعالا الماي جاتىپ قالىپتى. جولسەرىك ارام ويىن جۇزەگە اسىرا سالىسىمەن كۋپەدەن شىعىپ كەتەدى. جابىرلەنۋشى قوزعالا الماي ءبىراز جاتىپ قالادى. سول ۋاقىتتا ەكىنشى جولسەرىك كەلىپ، ول دا ارام نيەتىن جۇزەگە اسىرعان. ەكىنشى جولسەرىك شىققان كەزدە عانا ايەل تۇرىپ ەسىكتى جاپقان. بىراق الگى جولسەرىك ۇمىت قالدىرعان تەلەفونىن الۋعا كەلگەن. وعان قارسىلىق كورسەتكەن ايەل بىرنەشە سوققى العان»، - دەدى سمايلوۆا ءوز پاراقشاسىندا.
ايەل سول مەزەتتە پوليتسيا شاقىرادى. بۇل جاعداي قوستاناي وبلىسىنىڭ تەرريتورياسىندا بولعاندىقتان، اتالمىش ىسپەن جەرگىلىكتى پوليتسيا اينالىستى. سوت وتىرىسى قوستاناي قالاسىندا جابىق رەجيمدە وتكەن.
بۇگىن سوت ۇكىم كەستى. ەك جولسەرىك تە كىنالى دەپ تانىلىپ، 2 جىل 6 ايعا باس بوستاندىعىنان ايىرىلدى.
"ادىرنا" ۇلتتىق پورتالى
