بقو-دا سۋ تاسقىنى بولعان اۋدانداردا توتەنشە جاعداي سالدارىنان ولگەن مال باسىنىڭ سانىن انىقتاۋ جانە وتەۋ بويىنشا جۇمىس جۇرگىزەتىن ارنايى كوميسسيالار قۇرىلىپ، سۋ تاسقىنى سالدارىنان 2 457 باس اۋىل شارۋاشىلىعى جانۋارلارىنىڭ شىعىنى راستالدى.
ۆەتەريناريالىق قىزمەت، جەرگىلىكتى اكىمدىكتەرمەن بىرلەسىپ، ولگەن جانۋارلاردىڭ ولەكسەلەرىن جويۋ جۇمىستارى تولىقتاي جۇرگىزىلدى.
جانۋارلاردىڭ ولەكسەلەرىن جويۋ جۇمىستارى ورتەۋ ارقىلى ارنايى قازىلعان شۇڭقىرلارعا كومىلىپ، زالالسىزداندىرىلدى.
سۋ تاسقىنىنان ولگەن اۋىل شارۋاشلىعى جانۋارلارىن قۇنىن ەسەپتەۋ قازاقستان رەسپۋبليكاسىنىڭ پرەمەر-ءمينيسترى و.ا.بەكتەنوۆ توراعالىق ەتكەن سۋ تاسقىنىنا قارسى ءىس-شارالاردى ۇيلەستىرۋ جانە 2024 جىلعى سۋ تاسقىنى كەزەڭىنىڭ سالدارىن جويۋ جونىندەگى رەسپۋبليكاىق شتاب وتىرىس بەكىتكەن سۋ تاسقىنىنان شىعىن ء(ولىم) بولعان اۋىل شارۋاشىلىعى جانۋارلارىنىڭ قۇنىن وتەۋ جونىندەگى الگوريتمىنە سايكەس اتقارىلدى.
ايقىندالعان شىعىندار نەگىزدە وبلىس بيۋدجەتىنىڭ تەتەنشە جاعدايلار رەزەرۆىنەن سۋ تاسقىنىنان ولگەن اۋىل شارۋاشىلىعى جانۋارلار قۇنىن وتەۋ ءۇشىن 187,5 ملن. تەڭگە قاراجات ءبولىندى.
بۇگىنگى كۇنگە بارلىعى 139 وتىنىمگە سايكەس 1171 باس اۋىل شارۋاشىلىعى جانۋارلارى، سونىڭ ىشىندە 219 باس ءىرى قارا، 680 باس ۇساق مال، 63 باس جىلقى، 71 باس شوشقا جانە 138 باس قۇس ءۇشىن 151,6 ملن. تەڭگەگە وبلىس تۇرعىندارىنىڭ مال شىعىندارى وتەلدى.
اۋىل شارۋاشىلىعى جانۋارلارىنىڭ بىردەيلەندىرۋ جۇيەسىندە تىركەلمەگەن مال باستارىنا شىعىندى وتەۋ بيۋدجەتتىك ەمەس كوزدەردەن جۇرگىزىلدى.
