الماتى قالاسىندا زاڭسىز ميگراتسيا مەن قۇجاتى جوق وزگە ەل ازاماتتارىن جۇمىس كۇشى رەتىندە پايدالانۋ فاكتىلەرىن ايعاقتاۋ ءۇشىن جەدەل-پروفيلاكتيكالىق "زاڭسىز" شاراسى ءوتتى دەپ جازادى Qamshy.kz اقپارات اگەنتتىگى.
جەدەل-پروفيلاكتيكالىق شارا بارىسىندا شەتەلدىكتەر قۇجاتسىز، زاڭسىز ءجۇرۋى مۇمكىن قوعامدىق ورىنداردىڭ بارلىعى ءسۇزىلىپ شىقتى.
"شارا بارىسىنداعى تەكسەرۋدەن كەيىن قۇرىقتالعان 794 شەتەل ازاماتى اكىمشىلىك جاۋاپكەرشىلىككە تارتىلدى. زاڭسىز جۇمىس كۇشىن قولدانعانى ءۇشىن قر 168 ازاماتى ايىپپۇل ارقالادى. سونداي-اق، قۇجاتى جوق شەتەل ازاماتتارىن جۇمىسپەن قامتاماسىز ەتكەنى ءۇشىن 56 ازامات اكىمشىلىك جاۋاپكەرشىلىككە تارتىلدى.
336 قۇجاتسىز شەتەل ازاماتى قۇرىقتالىپ، قىلمىستىق ىسكە قاتىسى بار 196 وزگە ەل ازاماتى شەكارادان تىسقارى شىعارىلعان. سونىمەن قاتار، جپش بارىسىندا 3 زاڭسىز ميگراتسيا ارناسىن ۇيىمداستىرعان شەتەل ازاماتىنىڭ ۇشستىنەن قىلمىستىق ءىس قوزعالدى", - دەيدى الماتى قالاسى پوليتسيا دەپارتامەنتىنىڭ ميگراتسيالىق قىزمەت باسقارماسىنىڭ باسشىسى اسحات بۋتۋنچينوۆ.
