قالامىزدا ف. دوستوەۆسكيدىڭ ادەبي-مەموريالدىق مۇراجايى قىزمەتكەرلەرى جانە تاتار ونەر مەكتەبى تۇلەكتەرىنىڭ ۇيىمداستىرۋىمەن «دومبىرا كۇنىنە» وراي ارنايى اكتسيا وتكىزىلدى. شارا بارىسىندا ونەرپازدار قۇرمانعازىنىڭ كۇيلەرىن ورىنداپ، قوعامدىق كولىكتەگى جولداۋشىلاردىڭ قۇلاق قۇرىشىن قاندىردى. ماقساتى – حالىق اراسىندا قازاق كۇيلەرىن ناسيحاتاپ، ۇلتتىق مۇرانى جانداردىرۋ. اكتسيا اياسىندا ۇيىمداستىرۋشىلار جولداۋشىلارعا XVIII –حح عاسىرداعى كۇيشىلەر تۋرالى ۆيكتورينالىق سۇراقتار قويىپ، جەڭىمپازدارعا وتباسىلارىمەن مۇراجايعا كىرۋ تەگىن بيلەتتەرىن تابىستادى.
- ەلباسى نۇرسۇلتان ءابىشۇلى نازارباەۆ دومبىرا- قازاقتىڭ جانى. ويتكەنى ول حالىقتىڭ قۋانىشى مەن مۇڭىن بىلدىرەتىن قاسيەتتى اسپاپ دەگەن ەدى. بۇگىندە دومبىرانى حالىق اراسىندا ناسيحاتتاپ، ۇرپاقتان ۇرپاققا جەتكىزۋ ماقساتىندا اتالمىش اكتسيانى ۇيىمداستىرىپ وتىرمىز. تاريحقا كوز جۇگىرتسەك، شوقان ءۋاليحانوۆ پەن فەدور دوستوەۆسكي اراسىندا قازاق ونەرىنە دەگەن ورتاق جاناشىرلىق بولعان. سول ۋاقىتتا قازاقتار تۋرالى مالىمەتتەر از بولعاندىقتان، فەدور ميحايلوۆيچ شوقان ۋاليحانوۆقا قازاقتىڭ كەڭ-بايتاق جەرى مەن ەلى تۋرالى تولىقتىرىپ جازۋىن وتىنگەن ەدى. سونداي-اق، شوقانمەن بىرگە قازاق اۋىلدارىن ارالاپ، سالت-داستۇرلەرىمەن تانىسىپ، دومبىرا اسپابىنا ەرەكشە باعا بەرگەن، - دەدى كوپشىلىك ءبولىمنىڭ مەڭگەرۋشىسى سالتانات نۇرلىبەكقىزى.
اكتسياعا بەلسەنە قاتىسقان جولاۋشىلار اراسىنان دومبىرانى قولدارىنا الىپ، كوپشىلىككە كۇي ورىنداپ بەرگەن جاندار دا تابىلدى.
- بۇگىن مىنە، سەمەي ونەر ورداسىنىڭ ورتالىعىندا "دومبىرا كۇنى" اكتسياسى تويلانۋدا. قوعامدىق كولىكتەردە ءبىز دومبىرانىڭ ءۇنىن ءوز قۇلاعىمىزبەن ەستۋ مارەبەسىنە يە بولدىق . وسىنداي اكتسيا ءار جىل سايىن وتكىزىلىپ تۇرسا دەگەن نيەتتەمىز. بارشا ۇيىمداستىرۋشىلارعا العىسىمىز شەكسىز،-دەدى قالا تۇرعىنى نازىم كەلەربەكوۆا.
"ادىرنا" ۇلتتىق پورتالى
