بىلتىر ءساۋىر ايىندا «قازاقفيلم» كينوستۋدياسى «ساتايفيلم» كينوكومپانياسىمەن بىرلەسە قر مادەنيەت جانە سپورت مينيسترلىگىنىڭ تاپسىرىسى بويىنشا «توميريس» ءفيلمىن وندىرىسكە جىبەرگەن بولاتىن. ەندى اراعا جىل سالىپ فيلم كورەرمەندەرگە جول تارتپاق!
تاريحي درامانىڭ قويۋشى رەجيسسەرى اقان ساتاەۆ ""توميريس" ءفيلمى 2019 جىلدىڭ كۇزىندە تۇساۋى كەسىلەدى" دەپ ءوز الەۋمەتتىك پاراقشاسىندا مالىمدەدى.
ەستەرىڭىزگە سالا كەتەيىك، ءفيلمنىڭ باس پروديۋسەرى – ءاليا نازارباەۆا («اناعا اپارار جول»). قويۋشى رەجيسسەرى – اقان ساتاەۆ («ليكۆيداتور»، «رەكەتير»، «اداسقاندار»، «جاۋجۇرەك مىڭ بالا»، «اناعا اپارار جول»).
فيلمدە ءبىزدىڭ زامانىمىزعا دەيىنگى VI عاسىر ماسساگەتتەر پاتشايىمىنىڭ باستاۋىمەن بايتاق دالانى باسىپ الۋدى كوزدەگەن پارسى پاتشاسى ءىى كيرگە ءتوميريستىڭ توتەپ بەرگەنى تۋرالى باياندالادى.
"ادىرنا" ۇلتتىق پورتالى
