ىستىقكولگە بارعان وتانداسىمىز ءىز-ءتۇسسىز جوعالىپ كەتتى، - دەپ حابارلايدى كتك تەلەارناسى. قىرعىزستانعا دەمالۋعا اتتانعان 53 جاستاعى الماتىلىق اركادي مالكوۆتان 2 كۇننەن بەرى حابار-وشار جوق. بىرگە بارعان دوسىنىڭ ايتۋىنشا، اركادي 14 شىلدەدە كۇندىزگى ۋاقىتتا جوعالعان. قارا-وي اۋىلىنان سكۋتەر جالعا الىپ، كولدىڭ وڭتۇستىك جاعالاۋ جاعىنا كەتكەن كورىنەدى. سودان بەرى قايتىپ كەلمەگەن. ءبىر بەلگىلىسى ۇستىندە قۇتقارۋ جيلەتى بولعان. قازىر ىزدەستىرۋ جۇمىسىنا ۇشاق جالدانىپ، 200-گە تارتا پوليتسيا قىزمەتكەرى جۇمىلدىرىلدى. سونداي-اق، 81 قۇتقارۋشى مەن 12 قايىق تارتىلعان.
"ادىرنا" ۇلتتىق پورتالى
