«قازاقستان حالقىنا» قوعامدىق قورى جانە باتىس قازاقستان وبلىسىنىڭ اكىمدىگى باتىس قازاقستان وبلىسىنىڭ سىرىم اۋدانىندا سۋ تاسقىنىنان زارداپ شەككەن وتباسىلار ءۇشىن تۇرعىن ۇيلەر سالۋ تۋرالى مەموراندۋمعا قول قويدى.
جۇزەگە اسىرىلاتىن مەموراندۋم اياسىندا باتىس قازاقستان وبلىسىندا قوردىڭ قارجى رەسۋرستارى ەسەبىنەن جەرگىلىكتى اتقارۋشى ورگاندار ۇسىنعان ۇلگىلىك جوبا نەگىزىندە 114 تۇرعىن ءۇي سالىنادى.
ۇيلەر كەلەسى ەلدى مەكەندەردە سالىنادى:
- جىمپيتى اۋىلى-49 ءۇي;
- بۇلدىرتى اۋىلى - 25 ءۇي
- ولەڭتى اۋىلى - 38 ءۇي;
- جەتىكول اۋىلى-1 ءۇي;
- جاڭاقونىس اۋىلى-1 ءۇي.
وسى ەلدى مەكەندەردەگى سۋ تاسقىنىنان زارداپ شەككەن بۇل ۇيلەر وبەكتيۆتى تەكسەرۋ قورىتىندىسى بويىنشا جوندەۋگە جاتپايدى جانە قالپىنا كەلتىرۋگە جارامسىز.
باتىس قازاقستان وبلىسىنىڭ اكىمدىگى سۋ باسۋعا بەيىم ەمەس ايماقتاردا جاڭا ۇيلەر سالۋ ءۇشىن جەر ۋچاسكەلەرىن انىقتادى جانە ءبولدى، سونداي-اق قاجەتتى ينجەنەرلىك ينفراقۇرىلىمدى جۇرگىزۋدى قامتاماسىز ەتەدى. ورىندالاتىن قۇرىلىس جۇمىستارىنىڭ بارىسى مەن ساپاسىن باقىلاۋ مەن قاداعالاۋدى وبلىس اكىمدىگى جەرگىلىكتى قوعامدىق بەلسەندىلەرمەن بىرلەسىپ جۇزەگە اسىراتىن بولادى.
«ءبىزدىڭ جەرىمىز، حالقىمىز تابيعي اپاتقا تاپ بولدى، ونىڭ سالدارى، ارينە، وتە قايعىلى. بىراق، ءبىز ورتاق كۇش-جىگەرىمىزبەن قىسقا مەرزىمدە جاڭا ۇيلەر قۇرىلىسىن باستاپ، ولاردى تولىقتاي ءبىتىرىپ، قيىنشىلىققا تاپ بولعان وتانداستارىمىزعا كومەكتەسە الامىز دەپ ۇمىتتەنەمىز. قور بۇعان قامقورشىلىق كەڭەستىڭ شەشىمى بويىنشا 10 ملرد تەڭگەنى، سونداي-اق قامقورشىل قازاقستاندىقتار مەن بيزنەس وكىلدەرى جىبەرىپ وتىرعان قاراجاتتى قوسىمشا جولداپ وتىر»، — دەپ اتاپ ءوتتى «قازاقستان حالقى» قق توراعاسىنىڭ ورىنباسارى ءلاززات شىڭعىسباەۆا.
جاقىن ۋاقىتتا سولتۇستىك قازاقستان، قوستاناي، اقتوبە جانە اقمولا وبلىستارىندا قۇرىلىس ءۇشىن اۋىلدار مەن اۋماقتار انىقتالىپ، ءتيىستى مەموراندۋمدارعا قول قويىلادى.
«مەملەكەت باسشىسى سۋ تاسقىنىنان زارداپ شەككەن تۇرعىنداردى باسپانامەن قامتۋدى تاپسىرعان بولاتىن. وسى رەتتە، «قازاقستان حالقىنا» قورى دا كومەك كورسەتكەلى وتىر. وسىلايشا وبلىسىمىزدىڭ سىرىم اۋدانىندا تۇرعىن ۇيلەر سالىنادى. بۇل قۋانتارلىق جاعداي. زارداپ شەككەن تۇرعىندار باسپاناسىز قالمايدى، مەملەكەت تاراپىنان بارىنشا كومەك بەرىلەدى» — دەدى بقو اكىمى ناريمان تورەعاليەۆ.
ەسكەرەتىن جايت، 1-30 ءساۋىر ارالىعىندا قوردىڭ اتىنا تۇسكەن بارلىق اقشالاي قاراجات توتەنشە جاعدايدىڭ سالدارىن جويۋعا جانە اۋىلدىق جەرلەردە تۇرعىن ءۇي سالۋعا باعىتتالاتىن بولادى. قور ءوزىنىڭ رەسمي سايتىندا دونورلار مەن اتالعان سومالاردىڭ مولشەرى تۋرالى ەسەپتى ورنالاستىرادى.
بۇگىنگى تاڭدا قوردىڭ شوتتارىنا 2,9 ملرد تەڭگە سوماسىنا قايىرىمدىلىق جارنالارى ءتۇستى. قور ءساۋىر ايىنىڭ سوڭىنا دەيىن قايىرىمدىلىق قاراجاتى ەسەبىنەن سالىناتىن ۇيلەردىڭ سانى ارتادى دەپ ۇمىتتەنەدى.
قور قايىرىمدىلىق ءۇشىن تەك قوردىڭ رەسمي سايتىندا كورسەتىلگەن شوتتار مەن دەرەكتەمەلەردى پايدالانۋدى سۇرايدى https://qazaqstanhalqyna.kz/kk/donors.html. جەكە تۇلعالار اۋدارىمداردى بانكتەردىڭ ءموبيلدى قوسىمشالارىندا «قايىرىمدىلىق» ءبولىمى ارقىلى جۇزەگە اسىرا الادى.
