قاراعاندىدا "مەنىڭ ءۇيىم، مەنىڭ اۋلام، مەنىڭ كوشەم، مەنىڭ قالام، مەنىڭ ەلىم" دەگەن ۇرانمەن "ۇزدىك اۋلا" ەكولوگيالىق اكتسياسى ءوتتى. قالانىڭ 500-گە جۋىق تۇرعىنى پيك-پەن بىرلەسىپ اۋلا اۋماقتارىن تازالاۋعا شىقتى. بۇل اكتسيانى جاقىن ماڭداعى تەمىرتاۋ، شاحتينسك، ساران، اباي قالالارىنىڭ تۇرعىندارى قولدادى. بۇگىنگى كۇنى وبلىس بويىنشا 1000-نان استام ازامات اۋلا اۋماقتارى مەن كىرەبەرىستەرىن رەتكە كەلتىرۋدە.
كووپەراتيۆ توراعاسى ليۋدميلا داۆىدوۆا جۇمىلا جاساعان جۇمىس اۋىزبىرلىكتى نىعايتىپ قانا قويماي، ءوز اۋلاڭدى كورىكتەندىرۋگە كومەكتەسەتىنىن اتاپ ءوتتى.
قالالىق ءماسليحات دەپۋتاتى الەكساندر بوچاروۆ قاراعاندىلىقتاردى "تازا قازاقستان" اكتسياسىنا بەلسەندى قاتىسۋعا جانە شاھارىمىزدى بارشاعا ىڭعايلى ءارى كورىكتى ەتۋ ءۇشىن تازالىق شارالارىنا ۇلەس قوسۋعا شاقىردى.
– بالالار اتا-انالارىنا اۋلا مەن الاڭداردى تازالاۋعا كومەكتەستى. مەنىڭ ويىمشا، بۇل وسكەلەڭ ۇرپاق ءۇشىن تاماشا ۇلگى، – دەپ اتاپ ءوتتى الەكساندر بوچاروۆ.
ەكواكتسيا اياسىندا 1000 قاپ قوقىس جينالدى.
"تازا قازاقستان" اكتسياسى باستالعاننان بەرى بارلىعى 4 مىڭ توننادان استام قوقىس شىعارىلدى.
