قر پرەمەر-ءمينيسترى اسقار مامين جۇمىس ساپارىمەن شىمكەنت قالاسىنا بارىپ، قر وندا قر تۇڭعىش پرەزيدەنتى - ەلباسى نۇرسۇلتان نازارباەۆتىڭ مەگاپوليستى دامىتۋ بويىنشا قويعان ستارتەگيالىق مىندەتتەردىڭ ورىندالۋ بارىسىمەن جانە مەملەكەت باسشىسى قاسىم-جومارت توقاەۆتىڭ سايلاۋالدى باعدارلاماسىنىڭ ىسكە اسىرىلۋىمەن تانىستى، - دەپ حابارلايدى تengrinews.kz ءتىلشىسى
اتاپ ايتقاندا، اسقار مامين مەتاللۋرگيا، فارماتسەۆتيكا، تاماق ونەركاسىبى، كولىك ينفراقۇرىلىمىن دامىتۋ سالالارىنداعى ينۆەستيتسيالىق جوبالاردىڭ ىسكە اسىرىلۋ بارىسىن تەكسەردى. كەلگەن بەتتە اسقار مامين شىمكەنت قالاسىنداعى اۋەجايدىڭ جاڭا تەرمينالىنىڭ جوباسىمەن تانىستى. قۇرىلىس جۇمىستارى ا.ج. شىلدە ايىندا باستالعان، 2020 جىلى مامىر ايىندا اياقتالادى. قالا اكىمدىگىنىڭ مالىمەتتەرىنشە، سىيىمدىلىعى ساعاتىنا 400 جولاۋشى بولاتىن تەرمينالدى پايدالانۋعا بەرۋ جولاۋشىلار اعىمىن 10 ەسە ارتتىرادى.
قر ۇكىمەتىنىڭ باسشىسى "حيمفارم" زاۋىتىنا بارىپ، وندا وتاندىق فارماتسەۆتيكالىق يندۋستريانىڭ دامۋ قارقىنىن تەكسەردى. كاسىپورىندا ءدارى-دارمەكتەردىڭ 71 ءتۇرى وندىرىلەدى، بۇل كەپىلدەندىرىلگەن تەگىن مەديتسينالىق كومەك كولەمىنىڭ اياسىندا ساتىپ الىناتىن ءدارى-دارمەكتەردىڭ جالپى كولەمىنىڭ ۇشتەن ءبىر بولىگىنەن استامىن قۇرايدى. كاسىپورىندى ارالاۋ اياسىندا قازاقستان پرەمەر-ءمينيسترى ينەكتسيالىق پرەپاراتتار مەن ينفۋزيالىق ەرىتىندىلەردى ءوندىرۋ بويىنشا تسەحتىڭ جاراقتاندىرىلۋىن كوردى، سونداي-اق "مودەلدىك تسيفرلىق فابريكالار" جوباسىنىڭ اياسىندا ىسكە قوسىلعان تسيفرلىق ينجەنەرلىك جانە ءبىلىم بەرۋ ورتالىعىنىڭ جۇمىسىن باعالادى. قازىرگى كەزدە حالىقارالىق ستاندارتتارعا سايكەس جۇمىس ىستەپ تۇرعان فارماتسەۆتيكالىق وندىرىستەردى جاڭعىرتۋ بويىنشا $108 ملن سوماسىنا اسا ءىرى ينۆەستيتسيالىق جوبا ىسكە اسىرىلۋدا. شىمكەنت قالاسى قازاقستاننىڭ ءىرى ونەركاسىپتىك ورتالىقتارىنىڭ ءبىرى. وڭىردە ونەركاسىپتىك ءوندىرىس كولەمىن ارتتىرۋ بويىنشا جۇرگىزىلىپ جاتقان جۇمىستارمەن تانىسۋ ماقساتىندا اسقار مامين يندۋستريالىق-يننوۆتسيالىق دامۋ مەملەكەتتىك باعدارلاماسى اياسىندا ىسكە قوسىلعان "وڭتۇستىك" يندۋستريالىق ايماعى اۋماعىنداعى "Shymkent Temir" ەكسپورتقا باعىتتالعان كاسىپورىنعا باردى. مەتاللۋرگيا زاۋىتىنىڭ جوبالىق قۋاتتىلىعى - جىلىنا 250 مىڭ توننا بولات دايىنداما. وسى جەردە قر پرەمەر-مينيسترىنە تۇركىستان وبلىسىنداعى قۋاتتىلىعى جىلىنا 1 ميلليون توننا تەمىر بولاتىن تاۋ-كەن-مەتاللۋرگيا كەشەنى قۇرىلىسىنىڭ جوباسى تانىستىرىلدى. اتاپ ايتقاندا، تىكەلەي قالپىنا كەلتىرىلەتىن تەمىر وندىرەتىن زاۋىت پەن كەن بايىتۋ فابريكاسىنىڭ قۇرىلىسى كوزدەلگەن. ءوڭىر ەكونوميكاسىن دامىتۋدا "قاراپايىم زاتتار ەكونوميكاسىنا" ەرەكشە ءرول بەرىلگەن. قر ۇكىمەتىنىڭ باسشىسى "راحات-شىمكەنت" جشس-ىنا بارىپ، تاماق ونىمدەرىنىڭ ءوندىرىس پروتسەسىن كوردى. زاماناۋي جابدىقتارمەن جاراقتالعان فابريكا جىلىنا 24 مىڭ تونناعا دەيىن 30 اتاۋ بويىنشا 4 ءتۇرلى كونديتەرلىك ونىمدەر شىعارادى. قر پرەمەر-ءمينيسترى اسقار مامينگە 2020 جىلى مارمەلاد پەن قانتتى پەچەنە شىعاراتىن جاڭا جەلىنى ىسكە قوسۋ بويىنشا ينۆەستيتسيالىق جوبانى جۇزەگە اسىرۋ جوسپارلانىپ وتىرعانى تۋرالى باياندالدى. ارالاۋ قورىتىندىسى بويىنشا قر ۇكىمەتىنىڭ باسشىسى قالا اكىمىنە شىمكەنت ق. دامۋىنىڭ 2023 جىلعا دەيىنگى كەشەندى جوسپارىن ءتيىمدى ورىنداۋدى قامتاماسىز ەتۋ بويىنشا بارلىق قاجەتى شارالاردى قابىلداۋدى تاپسىردى. ينۆەستيتسيالىق جوبالاردى ىسكە اسىرۋ، شىعارىلاتىن ءونىم نومەنكلاتۋراسىن كەڭەيتۋ جانە ءوندىرىس كولەمىن ۇلعايتۋ بويىنشا بيزنەس-قاۋىمداستىقپەن جۇمىستى جانداندىرۋ تاپسىرىلدى. بۇل ءوڭىردىڭ ءجوو كولەمىن 2018 جىلعى 2 ترل-نان 2023 جىلعا قاراي 3,5 تريلليونعا دەيىن ارتتىرۋعا مۇمكىندىك بەرەدى.
"ادىرنا" ۇلتتىق پورتالى
