ساۋد ارابياسىندا 200 مەكتەپ CodiPlay ستارتاپىنان قازاقستاندىق Edtech تەحنولوگياسىن پايدالاناتىن بولادى. كومپانيا ەر-ريادتا وتكەن LEAP 2024 تەحنولوگيالىق فورۋمىندا جاساندى ينتەللەكتىلى وقۋ كومەكشىسىمەن (AILA) ستراتەگيالىق سەرىكتەستىك تۋرالى مەموراندۋمعا قول قويدى، دەپ حابارلايدى "ادىرنا" ۇلتتىق پورتالى كومپانيانىڭ ءباسپاسوز قىزمەتىنە سىلتەپ.
قۇجاتقا ساۋد ارابياسىنىڭ ۇلتتىق تەحنولوگيالاردى دامىتۋ باعدارلاماسى (NDTP) جانە بايلانىس جانە اقپاراتتىق تەحنولوگيالار مينيسترلىگىنىڭ ((MCIT) قولداۋىمەن قول قويىلدى، قازاقستاندىق تاراپتان ساۋد ارابياسىنداعى قازاقستاننىڭ ەلشىلىگى قولداۋ كورسەتتى.
CodiPlay «ءبىلىم ساپاسىن ارتتىرۋعا جانە جاستاردى IT-تەحنولوگيالار سەكتورىنداعى بولاشاق ماماندىقتارعا دايىنداۋعا باعىتتالعان «Vision 2030* باستاماسىنىڭ نەگىزگى ماقساتتارىنا قول جەتكىزۋگە ىقپال ەتەتىن» 200 جەرگىلىكتى مەكتەپتىڭ وقۋ ۇدەرىسىندە پايدالانىلاتىنى ايتىلدى.
CodiPlay - بۇل وقۋشىلاردىڭ IT ساۋاتتىلىعىن دامىتۋعا باعىتتالعان كەشەندى ءبىلىم بەرۋ شەشىمى. CodiPlay قولدانباسى ءموبيلدى ويىنداردى پايدالانىپ Scratch, C++ جانە Python تىلدەرىندە باعدارلامالاۋ داعدىلارىن مەڭگەرۋگە مۇمكىندىك بەرەدى. قوسىمشادا CodiKits دە قول جەتىمدى، ولار ءارتۇرلى IoT (زاتتاردىڭ ينتەرنەتى) جوبالارىن جاساۋعا مۇمكىندىك بەرەدى. ماسەلەن، باعدارشامنان باستاپ سمارت ءۇي جۇيەسىنە دەيىن. سونىمەن قاتار، ستارتاپ مۇعالىمدەردى قولداۋ ءۇشىن «CodiTeach» ۆەب-پلاتفورماسىن ازىرلەدى.
