ساياسي تۇتقىندار تۋرالى شارانىڭ الدىندا ۇستالعان ساياسي جانە قوعام قايراتكەرى رىسبەك سارسەنبايدى پوليتسيادان جەدەل جاردەم الىپ كەتتى، دەپ حابارلايدى "ادىرنا" ۇلتتىق پورتالى "ازاتتىق راديوسىنا" سىلتەپ.
«رىسبەك سارسەنبايۇلى اۋرۋحاناعا جەتكىزىلدى. قازىر جانساقتاۋ بولىمىنە جىبەرىلدى»، - دەلىنگەن حابارلامادا.
بۇعان دەيىن حابارلانعانداي، ساياسي تاپسىرىسپەن ولتىرىلگەن وپپوزيتسيا جەتەكشىسى التىنبەك سارسەنباەۆتىڭ اعاسى، ساياسي جانە قوعام قايراتكەرى رىسبەك سارسەنباي ساياسي تاقىرىپتا ءباسپاسوز ءماسليحاتى الدىندا تالعار اۋداندىق پوليتسياسىنا «اڭگىمەلەسۋگە» شاقىرىلعان. كەيىن ۇستالعانى تۋرالى اقپارات راستالىپ، قۇقىق قورعاۋشى ەۆگەني جوۆتيس پوليتسيانىڭ سارسەنباي مەن ونىڭ ايەلى مارجان اسپاندياروۆاعا قارسى دورەكى كۇش قولدانعانىن، سونىمەن قاتار پوليتسيانىڭ جەدەل جاردەم شاقىرۋعا تۋرا كەلگەنى بەلگىلى بولدى.