قازاقستاندىق حالىقارالىق ادام قۇقىقتارى بيۋروسى توراعاسىنىڭ ورىنباسارى روزا اقىلبەكوۆا قاڭتار وقيعاسىنا قاتىستى ەسەپ بەرىلەتىنىن ايتتى، دەپ حابارلايدى "ادىرنا" ۇلتتىق پورتالى.
قۇقىق قورعاۋشىنىڭ ايتۋىنشا، 12 مامىرعا دەيىن قازاقستان بۇۇ-نىڭ ازاپتاۋعا قارسى كوميتەتىنە ءبىرىنشى كەزەكتە قاڭتار وقيعاسىنا قاتىستى شۇعىل ۇسىنىستار تۋرالى اقپارات بەرۋى كەرەك.
«مۇندا قانشا ادامنىڭ زارداپ شەككەنى تۋرالى اقپارات بەرىلەدى. سونداي-اق، ارينە جابىق مەكەمەلەردەگى ءولىم-ءجىتىم تۋرالى اقپارات ايتىلادى جانە قازاقستان ونى قالاي زەرتتەگەنى تۋرالى ايتادى»، – دەدى.
اقىلبەكوۆا قازاقستاندىق حالىقارالىق ادام قۇقىقتارى جانە زاڭدىلىق بيۋروسى كەڭسەسىندە وتكەن ءباسپاسوز ءماسليحاتىندا.
سونداي-اق، ونىڭ ايتۋىنشا، قر قورعانىس مينيسترلىگى وسى مەرزىمگە دەيىن اسكەرگە شاقىرىلعانداردىڭ ءولىمى تۋرالى اقپاراتتى دايىنداۋى كەرەك.
