DALA INSIDE باسىلىمىنىڭ باس رەداكتورىنا قاتىستى جۇرگىزىلگەن ءىستىڭ توقتاتىلعانى ايتىلدى، دەپ حابارلايدى "ادىرنا" پورتالى.
استانا قالاسى پوليتسيا دەپارتامەنتى ءوز ينستاگرام اككاۋنتىندا ءتيىستى حابارلاما بەردى:
"استانا قالاسىنىڭ پوليتسيا دەپارتامەنتىنە ەلوردا تۇرعىنى "365info.kz" جانە "DALAINSIDE" ينتەرفەيستەرىندە جالعان اقپارات تاراتۋ فاكتىسى بويىنشا ءوتىنىش ءبىلدىردى ونىڭ ءوتىنىشى بويىنشا سوتقا دەيىنگى تەرگەۋ تىركەلدى. قىلمىستىق ءىس اياسىندا ءتيىستى ساراپتاما تاعايىندالدى. ءىستىڭ بارلىق ءمان-جايلارىن جان-جاقتى جانە تولىق زەرتتەۋگە باعىتتالعان بارلىق قاجەتتى تەرگەۋ ارەكەتتەرى جۇرگىزىلدى. بارلىق تاراپتاردىڭ دالەلدەرىن زەردەلەۋ قورىتىندىسى بويىنشا ءىس قىلمىستىق قۇقىق بۇزۋشىلىق قۇرامىنىڭ بولماۋىنا بايلانىستى توقتاتىلدى" دەلىنگەن حابارلامادا.
ءوز تاراپىنان، قر مادەنيەت جانە اقپارات ءمينيسترى ايدا بالاەۆا ءىستى جەكە باقىلاۋىندا ۇستاپ وتىردى.
DALA INSIDE رەداكتسيالارىنىڭ ۇجىمى ءوز تەلەگرام ارنالارىندا ءىستى وبەكتيۆتى قاراستىرعان ىشكى ىستەر مينيسترلىگى مەن سالالىق قولداۋ بىلدىرگەن مادەنيەت جانە اقپارات مينيسترلىگىنە العىستارىن ايتتى.
ەسكە سالا كەتەيىك، DALA INSIDE باسىلىمىنا 2023 جىلدىڭ 25 جەلتوقسانىندا جاريالانعان ماتەريالعا بايلانىستى شاعىم تۇسىرىلگەن بولاتىن. باس رەداكتور كەيىن «G-Park» قۇرىلىس كومپانياسىنىڭ باسشىسى عابيت ساتماعامبەتوۆتىڭ ءوتىنىشى بويىنشا استانا پوليتسيا دەپارتامەنتىنە جاۋاپ الۋعا شاقىرىلدى.