كوروناۆيرۋسقا قاتىستى قولايسىز جاعدايعا بايلانىستى پارلامەنت ماجىلىسىندە بەتپەردە كيۋ رەجيمى ەنگىزىلدى. بۇل تۋرالى قازاقستاننىڭ پارلامەنتى ءماجىلىسىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
«ءودپ مك باس سانيتارلىق دارىگەرىنىڭ قاۋلىسىنا سايكەس تەمىرعاليەۆا ا.ق. 2024 جىلعى 6 اقپاندا پارلامەنت ءماجىلىسىنىڭ اۋماعىندا كوروناۆيرۋستىق ينفەكتسياعا قاتىستى قولايسىز ەپيدەميولوگيالىق جاعدايعا بايلانىستى 7 اقپاننان باستاپ مىندەتتى تۇردە بەتپەردە كيۋ رەجيمى جانە باسقا دا الدىن الۋ شارالارى ەنگىزىلدى. جينالىستار مەن باسقا دا بۇقارالىق ءىس-شارالار ونلاين فورماتقا كوشىرىلدى نەمەسە بەتپەردە كيۋ رەجيمى مەن سانيتارلىق نورمالاردى قاتاڭ ساقتاي وتىرىپ وتكىزىلەدى، دەپ حابارلادى پارلامەنتى ءماجىلىسىنىڭ ءباسپاسوز قىزمەتى.
وسىعان وراي، ماجىلىستەگى ءىس-شارالارعا قاتىساتىن جۋرناليستەردەن شەكتەۋلەر رەسمي تۇردە جويىلمايىنشا جوعارىدا اتالعان شارالاردى ساقتاۋ سۇرالدى. سونداي-اق، ەندى باق وكىلدەرى مەديتسينالىق بەتپەردەمەن جۇرۋگە مىندەتتى.
