الەۋمەتتىك جەلىدە جەدەل جاردەم جۇرگىزۋشىسىن ۇرعان ەر ادامنىڭ كەشىرىم سۇراعان ۆيدەوسى تارادى، دەپ حابارلايدى «ادىرنا» ءتىلشىسى.
بەينەجازبادا كۇدىكتى بارشا قازاقستاندىقتان كەشىرىم سۇرادى.
«اسسالاۋماعالەيكۇم، بارشا قازاقستاندىقتار، بارشا مۇسىلماندار، قازاق ەلى! مەن 2024 جىلى 1 اقپان كۇنى ءوزىم بارىپ بەرىلمەكشىمىن. سەبەبى ىستەپ قويعان قياناتىم كۇن بەرمەي جاتىر. بارىنەن، اق حالاتتىلاردان كەشىرىم سۇرايمىن. مەنىڭ زيان تيگىزبەك ويىم بولعان جوق. ونداي ويىم بولماعان، بولمايدى دا. مەنەن ءجابىر كورگەن باۋىرىمنان كەشىرىم سۇرايمىن. اللا رازىلىعى ءۇشىن كەشىرىڭىزدەر. قازاقستانداعى مۇسىلمان باۋىرلار، بارلىعىڭىز مەنى كەشىرىپ قويىڭىزدار. ءوز قاتەلىگىمدى ءتۇسىنىپ وتىرمىن»،—دەيدى ول.نۇربولات داكەباەۆ ۆيدەونى ۇستالار الدىندا تۇسىرگەن. ەسكە سالايىق، 27 قاڭتاردا قاراعاندى تۇرعىنىنىڭ جەدەل جاردەم جۇرگىزۋشىسىن ۇرىپ-سوققانىن جازعان ەدىك. ەر ادام 1 اقپان كۇنى ۇستالدى. قازىرگى تاڭدا ول ۋاقىتشا ۇستاۋ يزولياتورىنا قامالدى.
<
