جاڭا مينيستر ء"انۇران", "سىنىپ" دەگەن سوزدەر قولدانىستان الىناتىنىن ايتتى

2076
Adyrna.kz Telegram

اقتوتى رايىمقۇلوۆا ءۇش مىڭنان استام تەرمين قايتا بەكىتىلگەنىن اتاپ ءوتتى  

 مادەنيەت جانە سپورت ءمينيسترى اقتوتى رايىمقۇلوۆا تەرميندەردى وزگەرتۋ شارالارى تۋرالى اڭگىمەلەدى، دەپ حابارلايدى Sputnik قازاقستان تىلشىسى.

ءمينيستردىڭ ايتۋىنشا، حالىقارالىق تەرميندەردى قازاق تىلىنە قايتارۋ ءۇشىن تەرمينولوگيالىق قورعا مونيتورينگ جۇرگىزىلدى. وسىعان وراي بۇرىن قازاق تىلىنە اۋدارىلعان 3 300-نان استام جالپىعا بىردەي قابىلدانعان تەرمين مەن ۇعىم قايتا قارالىپ بەكىتىلدى.

"ولاردىڭ 300-گە جۋىعى – حالىقارالىق تەرميندەر. مىسالى، "مۇراجاي" دەگەن ءسوز "مۋزەي" بولاتىن بولدى. مۇراعات – ارحيۆ، تاعى سونداي-سونداي نارسەلەر", – دەدى رايىمقۇلوۆا بۇگىنگى ەسەپ بەرۋ كەزدەسۋىندە.

بۇدان بولەك، ازاتجول – ابزاتس، پايىز – پروتسەنت، سىنىپ – كلاسس، قۇرسىم – شينا،  تەڭگەرىم – بالانس، ءانۇران – گيمن، مۇقاممال – ينۆەنتار، اقاۋ – دەفەكت، شەگەندەۋ – دەماركاتسيا، مەيرامحانا – رەستوران، قيمىل – انيماتسيا، ال "الەۋەت" دەگەن ءسوز "پوتەنتسيال" بولىپ قايتا وزگەرتىلدى.

"بۇگىندە "Termincom.kz" سايتىنىڭ نەگىزىندە تەرمينولوگيانىڭ قازىرگى جاعدايى مەن نەگىزگى قاعيدالارى تۋرالى اقپاراتتاندىرۋ ءۇشىن ەلەكتروندى پلاتفورما ىسكە قوسىلدى", - دەپ اتاپ كورسەتتى رايىمقۇلوۆا.

Sputnik.

 

پىكىرلەر