قىتايدا تۇراتىن ەتنيكالىق قازاق سپورتشىسى اقنار ارداق بەلگىلى قىتاي سپورتشىسىنا تۇرمىسقا شىقپاق، دەپ حابارلايدى «ادىرنا» ءتىلشىسى 1bol.kz-كە سىلتەمە جاساپ.
قازاق قىزىنىڭ تاڭداۋى بەيجىڭدەگى XXIV قىسقى وليمپيادا ويىندارىنىڭ چەمپيونى گاو تينگيۋگە تۇسكەن. ەكى جاس تا اۋقىمدى جارىستارعا قاتار قاتىسىپ، بىرگە جۇلدەگەر اتانعان.
اقنار ارداق 1999 جىلى شىڭجاڭدا دۇنيەگە كەلگەن. باستاپقىدا شورت-ترەك بويىنشا جارىستارعا قاتىسا باستاعان قانداسىمىز 2018 جىلدان بەرى كونكيمەن جۇگىرۋ باعىتىنا اۋىسىپ، تۇراقتى شۇعىلدانا باستادى.
قازاق قىزى مۇز ۇستىندە سىرعاناۋعا جاستايىنان دەن قويعان. قىتاي مەكتەبىندە ساباق بەرەتىن اناسى ونى 5 جاسىندا كونكيگە جەتەكتەپ اپارعانىن ايتادى. ال كامەلەت جاسىنا تولار شاعىندا قىتايدىڭ شىڭجاڭ قۇراماسىنىڭ قاتارىنا ەنىپ، اۋقىمدى جارىستارعا باق سىناي باستاعان.
