الماتى تاۋلارىندا قار كوشكىنى قاۋپى ءالى دە ساقتالادى. بۇل تۋرالى وبلىستىق توتەنشە جاعدايلار دەپارتامەنتى ەسكەرتىپ، تۇرعىنداردى اباي بولۋعا شاقىردى، دەپ حابارلايدى “ادىرنا” ۇلتتىق پورتالى.
الماتى وبلىسىنىڭ تاۋلارىندا 18 جەلتوقسان مەن 21 جەلتوقسان ارالىعىندا كوشكىن ءجۇرۋ قاۋپى ساقتالادى.
"تۇرعىندار، تۋريستەر جانە دەمالۋشىلار قار كوشكىنىن تۋدىرۋى مۇمكىن. سول سەبەپتى قارلى بەتكەيلەرگە شىقپاۋدى، تاۋلى جەرلەردە بارلىق قاۋىپسىزدىك شارالارىن ساقتاۋدى سۇرايمىز", - دەپ حابارلايدى ۆەدومستۆو.
الماتى وبلىسىنىڭ اۋماعىندا ىلە-الاتاۋ تاۋلارىنىڭ وڭتۇستىك بەتكەيىندە ەڭبەكشىقازاق، تالعار جانە قاراساي اۋداندارىندا كوشكىن ءجۇرۋ قاۋپى بار 55 ۋچاسكە بار.
