استانا تۇرعىنى ءداستۇرلى ەمەس مەديتسينالىق قىزمەتپەن اينالىسقانى ءۇشىن سوتتالدى، دەپ حابارلايدى «ادىرنا» ۇلتتىق پورتالى ەلوردالىق پروكۋراتۋرانىڭ حابارلاماسىنا سىلتەمە جاساي وتىرىپ.
ايىپتالۋشى ابايسىزدا ادامنىڭ ولىمىنە اكەپ سوقتىرعان ءداستۇرلى ەمەس شىعىس مەديتسيناسىمەن اينالىسقان.
«سوتتالۋشى ءتيىستى كۋالىكتەرى مەن ليتسەنزيالارى جوق مەديتسينالىق قىزمەتپەن اينالىسقان. ول ۇيقىسىزدىق شاعىمىمەن كلينيكاعا جۇگىنگەن جابىرلەنۋشىگە قازاقستان رەسپۋبليكاسىندا ليتسەنزيالانباعان پرەپارات ينەكتسيا سالىپ، سونىڭ سالدارىنان ناۋقاستىڭ ءحالى كۇرت ناشارلاپ كەتكەن. ءبىراز ۋاقىت ناۋقاس ەسىن جيماستان قايتىس بولعان»، - دەلىنگەن ۆەدومستۆو حابارلاماسىندا.
ساراپتاما قورىتىندىسى بويىنشا ءولىمنىڭ سەبەبى انافيلاكتيكالىق شوك بولدى.
سوت ۇكىمىمەن كىنالى ادام مەديتسينالىق قىزمەتپەن اينالىسۋ قۇقىعىنان ايىرىلىپ، سوتتالدى.
«پروكۋراتۋرا ازاماتتاردى وسى قىزمەت تۇرىمەن اينالىسۋعا ءتيىستى رۇقساتى جوق ادامدارعا مەديتسينالىق كومەككە جۇگىنبەۋگە شاقىرادى»، - دەلىنگەن حابارلامادا.
«ادىرنا» ۇلتتىق پورتالى
