بۇگىن امان تولەەۆ جەرلەنەدى

20 قاراشا كۇنى 79 جاسىندا دۇنيەدەن وزعان رەسەيدەگى كەمەروۆو وبلىسىنىڭ بۇرىنعى گۋبەرناتورى امان تولەەۆ 22 قاراشادا كەمەروۆو قالاسىنىڭ N1 ورتالىق زيراتىندا قۇرمەتپەن جەرلەنەدى، دەپ حابارلايدى "ادىرنا" ۇلتتىق پورتالى. بۇل تۋرالى گۋبەرناتور سەرگەي تسيۆيلەۆتىڭ ۇكىمىندە كورسەتىلدى. "جەرلەۋدى ۇيىمداستىرۋ ءۇشىن قۇرىلعان كوميسسيا قۇرمەتتى قاراۋىل، كەمەروۆو وبلىسىنىڭ مەملەكەتتىك رامىزدەرىن پايدالانۋ - كۋزباسس، تابىتتى اربادا تاسىمالداۋ، دىبىس سيگنالدارىمەن وتشاشۋدى وتكىزۋ، گۇلدەر، گيرلياندتار، گۇل شوقتارىن قويۋ، كوميسسيا شەشىمى بويىنشا باسقا دا ماراپاتتار قامتاماسىز ەتىلەدى", دەلىنگەن ۇكىمدە. ازاماتتىق ەسكە الۋ ءراسىمى ا.بوبروۆ اتىنداعى كۋزباسس مۋزىكالىق تەاترىندا سارسەنبى كۇنى ساعات 10:30-12:30 ارالىعىندا وتەدى.  ساعات 13:00-دە زنامەنسكي سوبورىندا جەرلەۋ ءراسىمى وتەدى. ەسكە سالا كەتەيىك، تولەەۆ 20 قاراشا، دۇيسەنبى كۇنى تاڭەرتەڭ 79 جاسىندا قايتىس بولدى. رەسەي پرەزيدەنتى ۆلاديمير پۋتين كوڭىل ايتىپ، تولەەۆتى ناعىز حالىق گۋبەرناتورى دەپ اتادى.