قوناەۆتا ەكى پوليتسەيدىڭ وقۋشى قىزبەن جىنىستىق قاتىناسقا تۇسكەنى ايتىلدى

2139
Adyrna.kz Telegram
tengrinews.kz
tengrinews.kz

قوناەۆ قالاسىندا ەكى پوليتسەي وقۋشى قىزبەن جىنىستىق قاتىناسقا تۇسكەن. بۇل تۋرالى نەمولچي ۇيىمىنىڭ جەتەكشىسى دينا ءتاڭسارى ايتتى، دەپ حابارلايدى «ادىرنا» ءتىلشىسى.

بەلسەندىنىڭ مالىمدەۋىنشە، وبلىستىق پوليتسيا دەپارتامەنتى بۇل وقيعادان حاباردار.

«ءانونيمدى دەرەككوز ەكى ەر ادامنىڭ قىزمەت بابىن پايدالانىپ، 14 جاستاعى وقۋشى قىزبەن جىنىستىق قاتىناسقا تۇسكەنىن حابارلادى. ونى بەينەجازباعا دا ءتۇسىرىپ العان. بىزگە بىرەۋىنىڭ كامەلەتكە تولماعانداردىڭ ىستەرى جونىندەگى ينسپەكتور، ال ەكىنشىسىنىڭ عيماراتتى كۇزەتۋ جونىندەگى پوليتسيانىڭ قىزمەتكەرى ەكەنى ايتىلدى. قازىر ەكەۋى دە قاماۋعا الىنىپ، وتكەن ۋاقىتپەن كەرى جۇمىستان شىعارىلعان. بۇل تۋرالى بۇكىل پوليتسيا ءبولىمى بىلەدى، بىراق بيلىك ۇندەمەۋدى بۇيىردى. بۇل اقپارات قانشالىقتى سەنىمدى، رۋستام ءابدىراحمانوۆ؟ قر باس پروكۋراتۋراسىنىڭ اقپاراتىن جەكە باقىلاۋعا الۋدى جانە تەكسەرۋدى سۇرايمىز»،—دەپ جازدى ول.

دينا ءتاڭسارى زورلىق كورگەن قىزعا پسيحولوگيالىق كومەك كورسەتۋگە دايىن ەكەنىن ايتتى.

«ادىرنا» ۇلتتىق پورتالى بۇل وقيعا قاتىستى ىشكى ىستەر مينيسترلىگى مەن قوناەۆ قالاسىنىڭ پوليتسيا دەپارتامەنتىنە سۇراۋ تاستادى. ازىرگە ورگاندار رەسمي مالىمدەمە جاسامادى.

پىكىرلەر