قازاقستاندا كاسپي تەڭىزىنىڭ عىلىمي-زەرتتەۋ ينستيتۋتى قۇرىلادى. بۇل تۋرالى قازاقستان رەسپۋبليكاسى سۋ رەسۋرستارى جانە يرريگاتسيا مينيسترلىگى ءتيىستى قاۋلىنىڭ جوباسىن ازىرلەدى، دەپ حابارلايدى “ادىرنا” ۇلتتىق پورتالى.
سونداي-اق كاسپي بويىنشا شەكارالاس مەملەكەتتەردەگى ارىپتەستەرمەن ءوزارا تىعىز ءىس-قيمىلدى قامتاماسىز ەتۋ باعىتىندا دا جۇمىس جۇرگىزەدى.
ودان بولەك، ينستيتۋت كاسپي تەڭىزى ەكوجۇيەسىنىڭ بارلىق باعىتتارى بويىنشا وبەكتيۆتى جانە تاۋەلسىز اقپارات جيناقتايدى. بۇل دەرەكتەر مەملەكەتتىك جانە جەرگىلىكتى اتقارۋشى ورگانداردىڭ كەشەندى ءىس-شارالار قابىلداۋى ءۇشىن نەگىز بولادى. سونىمەن قاتار، عىلىمي ۇيىم قۇرۋ كاسپيدى ساقتاۋ جونىندەگى حالىقارالىق جانە ۇلتتىق مىندەتتەمەلەردى تولىق كولەمدە ورىنداۋعا مۇمكىندىك بەرەدى.
مەملەكەت باسشىسى كەشەندى ءىس-شارالار قابىلداۋ ءۇشىن ماڭعىستاۋ وبلىسىندا كاسپيدى زەرتتەۋمەن اينالىساتىن مەملەكەتتىك عىلىمي ينستيتۋت قۇرۋدى تاپسىردى. ينستيتۋت قۇرۋ - ماسەلەنى جان–جاقتى زەردەلەۋگە، اۋقىمدى مىندەتتەردى شەشۋگە مۇمكىندىك بەرەدى,- دەدى قر سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.
