الماتىدا وتكەن XVI ەۋرازيالىق مەديافورۋمىنىڭ كۋلۋارىندا قازاقستاننىڭ اقپارات جانە قوعامدىق دامۋ ءمينيسترى داۋرەن اباەۆ قازاقستان جۋرناليستيكاسىنىڭ دەڭگەيى تۋرالى پىكىر ءبىلدىردى.
"مەن ماس-مەديانى قازاقستاندىق، شەتەلدىك دەپ بولمەيمىن. ءيا، بارلىق باق-قا ءتان كەمشىلىكتەر بار. بىراق قازاقستاندىق جۋرناليستيكا الەمدىك دەڭگەيگە جەتكەنىن اتاپ ءوتۋ كەرەك", - دەپ مالىمدەدى اباەۆ.
اقپارات ءمينيسترى ءداستۇرلى جۋرناليستيكانىڭ الەۋمەتتىك جەلىلەرمەن باسەكەلەسۋى تاقىرىبىنا توقتالدى. ونىڭ ايتۋىنشا، بۇقارالىق اقپارات قۇرالدارى بەدەلدى جانە حالىقتىڭ سەنىمىنە يە بولۋى ءتيىس.
"بۇكىل الەم الەۋمەتتىك جەلىلەردە جازىلعان اقپاراتتان گورى كاسىبي جۋرناليستيكاعا كوبىرەك سەنەدى. جۋرناليستەردىڭ الەۋمەتتىك جەلى قولدانۋشىلارىنان ايىرماشىلىعى اقپاراتتى جاريالاۋدان بۇرىن تەكسەرەدى", - دەپ قوستى اباەۆ.
مينيستر قازاقستاندىق جۋرناليستيكا قوعامعا سەنىمدى دەرەككوزدەردەن راستالعان اقپارات تاراتاتىنىنا سەنىمدى.
Sputnik.kz
